阿爺八鮮鍋 (Closed)

疫情持續， 街上都少咗好多人， 就連今日要幫襯嘅呢一間火鍋店， 平日客人好多， 今日都係得返小貓三四隻。火鍋店面積唔係好大， 但由於人流比較少， 所以感覺好寬敞。前菜已經好豐富， 有黃金蝦，有刺身仲有撈起！呢個燉湯好高品質， 係松茸菇煲響螺！呢度食嘅係火鍋放題， 都係先食一個雞煲， 然之後再打邊爐。雞煲揀嘅係小辣， 辣味一般， 不過勝雞在夠嫩滑， 另外有花膠做陪襯。火鍋湯底應該係雞湯， 最犀利嘅係每人送半隻龍蝦， 亦有好多唔同 海鮮任君選擇！安格斯牛肉都十分高質。 食物種類多都唔識揀。