龍門金閣海鮮酒家

Open Now

Now Closed

今晚又黎到尖沙咀食晚飯，揀咗呢間新開張不久的龍門金閣海鮮酒家。餐廳裝修貼近酒樓格局，今晚都好满座呀。老闆都十分好客，仲介紹給我地聽餐廳入的海鮮都係好出名靚的，價廉物美。蓮子八寶大鴨，成隻鴨十分飽满，見到就知入面塞满咗好多材料。顏色鮮澤，有油亮感，醬汁多，鮮味四溢。一切開見到入面的餡，好豐富呀，有齊各種材料，蓮子，綠豆，薏米等，全部都煮得好淋身，連埋鴨肉的碎混在其中，味道好惹味，食唔停口。有我好鐘意食的炸豬手，皮十分香脆，咬落卜卜脆，點芥末醬好夾，豬肉好鮮甜，肉币結實，完全無豬的騷味。生炒臘味糯米飯，呢味餸一向是十分考功夫的，要用上靚的糯米再加高超的廚技，餐廳係各方面都做得好出色，糯米飯粒料分明，夠乾身，仲有彈牙煙韌的感覺，臘苿同花生，炒蛋的份量比例適中，炒得好入味，食多幾碗都得。餐廳仲可以做到免茶芥免加一，好抵食。