旺角海鮮菜館

Open Now

Now Closed

旺角六小福有「白灼韭菜花 」、「白灼海蜇頭 」、「白灼水鱿魚」、「白灼鮮豬脷」、「 白灼鮮豬肚」和「 白灼鮮粉腸」，樣樣嘢都好吸引，但我哋人少冇理由六樣嘢嗌晒，最後決定咗以下两樣，就係「白灼鮮豬脷」和「白灼海蜇頭」，豬脷暖暖哋，好乾淨，完全冇異味，海蜇頭好純白，大大件，有彈性，蔴油味好香，两様都偏淡口味好健康，另配有辣椒豉油，供偏重口味人士使用，够貼心👍我本人就鍾意健康的原味😜至於湯品亦揀呢招牌的「杏汁菜膽白肺湯」和「胡椒豬肚雞湯」，絕對真材實料，味道濃郁，杏汁白肺好出色；豬肚湯胡椒味好濃，冬天飲好好。仲叫咗飽肚的「家鄉炒米粉」，海鮮酒家，炒米粉都唔少得海鮮，有大大隻蝦同埋啲魷魚粒粒。「旺角避風塘炒蟹」係呢晚重點，好大隻的新鮮蟹，啖啖肉，肉質鮮甜夠結實，啲肉又唔會太乾，真係好考師傅功夫，不愧為米芝蓮星級班底的製作，惹味的炸蒜冇得輸。