Video
Read full review
2021-03-29
1378 views
如果七點後係海洋公園，你會做緊乜嘢？ 當然，七點無卡士蘭俾你食，但可以免費入海洋公園。我想講的是剛剛12月海洋公園出咗一個多媒體噴泉表演”光影都會”，雖然講起海洋公園，大部分人對某人的言論和手法會有好多評價，但看完表現後，我真心推薦。如果有興趣，三到四月，7:15pm海洋公園入口個噴水池呈獻，有興趣，去我社交媒體睇下。 你話，呢到介紹食，你無端端講乜野表現？上左身想左轉寫文藝？非也，其實我地六幾點免費入場，為的不剩得這個表演，我們就係為陳師傅的美食，一份陳師傅為了海龍皇餐廳準備左的新餐單。 四百幾一位，四人用，就睇下有乜呢晚有乜食。 前菜三道，煎炸百花鱈魚膠，涼拌麻醬海茸同果木煙燻蛋，各有自己精彩的地方。 挪威的鱈魚膠估不到咁有鮮味，以可持續海鮮來說，味道高超，涼拌麻醬海茸夠開胃，麻醬味道不會太過搶眼，尾聲的果木煙燻蛋那煙燻香氣則出色到震，剩係個前菜你已經感受到陳師傅的威力。 中式湯當中，我最愛應該係用川芎百芷天麻做主角嘅湯，碰巧今晚嘅湯品就係川芎百芷天麻燉魚王。 佢個魚王以英國嘅鱸魚做主角，咬落去，連骨都可以溶化，不過百芷天麻嘅味道唔算特別濃
當然，七點無卡士蘭俾你食，但可以免費入海洋公園。我想講的是剛剛12月海洋公園出咗一個多媒體噴泉表演”光影都會”，雖然講起海洋公園，大部分人對某人的言論和手法會有好多評價，但看完表現後，我真心推薦。如果有興趣，三到四月，7:15pm海洋公園入口個噴水池呈獻，有興趣，去我社交媒體睇下。
你話，呢到介紹食，你無端端講乜野表現？上左身想左轉寫文藝？非也，其實我地六幾點免費入場，為的不剩得這個表演，我們就係為陳師傅的美食，一份陳師傅為了海龍皇餐廳準備左的新餐單。
四百幾一位，四人用，就睇下有乜呢晚有乜食。
前菜三道，煎炸百花鱈魚膠，涼拌麻醬海茸同果木煙燻蛋，各有自己精彩的地方。
挪威的鱈魚膠估不到咁有鮮味，以可持續海鮮來說，味道高超，涼拌麻醬海茸夠開胃，麻醬味道不會太過搶眼，尾聲的果木煙燻蛋那煙燻香氣則出色到震，剩係個前菜你已經感受到陳師傅的威力。
中式湯當中，我最愛應該係用川芎百芷天麻做主角嘅湯，碰巧今晚嘅湯品就係川芎百芷天麻燉魚王。
佢個魚王以英國嘅鱸魚做主角，咬落去，連骨都可以溶化，不過百芷天麻嘅味道唔算特別濃厚，你會覺得有點可惜，不過呢一個燉湯聽講係用咗十幾個鐘嘅心血去做。
松露醬帶子蝦球炒蘆筍，用帶子加拿大帶子，松露醬雖然濃但係都搶唔到個帶子嘅新鮮香氣，蘆筍同蝦肉鬥爽口，清新得來又吃得到鮮味。
個人幾喜歡黑虎掌菌慢煮牛小排這個配搭，牛小排當然溫度韌度都好，點晴的卻是黑虎掌菌，直頭食完成個口都香到不得了。
鮮淮山雲耳泡田園蔬菜就剛剛中和剛才牛小排的濃郁，就如激情過後的一張濕紙巾。
冬天已過去，吃臘味要快，試一口芋頭臘味炒飯就已經不想冬天咁快來，臘味的香氣，炒得勁鮮明，每粒都沾有臘味的美，芋頭味反而不強，就算我個人不特別愛芋頭，都會覺得可接受。
甜品係傳統的蓮子桃膠燉雪梨，桃膠多到一個點，燉雪梨又燉得好甜，無人會不愛。
合時鮮果碟當然集中了大部分最好的生果，那些菠蘿，好精彩，只不過，如果是台灣來英英的鳳梨，應該更完美。
如果你有上左社交媒體睇表演，覺得好鼓舞，順便食埋餐飯又得。或者睇完我寫想食餐飯，睇埋表演唔好浪費。當然 我想後者，我呢度係寫食㗎嗎。
海龍王餐廳
黃竹坑海洋公園夢幻水都海洋奇觀
Post
