Fûhn (The L. Square) (Closed)

夏天熱辣辣，有時都想食得清淡d，會去食下越南撈檬，醬汁酸酸甜甜會開胃d，今次就去左銅鑼灣既樓上越南菜餐廳，餐廳環境簡約舒適，仲有越南啤酒同cocktail，幾有特色。火車牛魔粉 可以簡金邊粉或者河粉，我地簡左河粉，湯底濃郁，河粉吸收曬湯汁既清甜味道，配料份量十足，有安格斯牛肉、牛坑腩、手打牛丸、牛筋、牛腩邊同牛栢葉。燒安格斯牛肉拌金邊粉＋太陽蛋金邊粉口感煙韌，醬汁辣辣地有蒜蓉香幾惹味，燒牛肉燒得好香口，太陽蛋煎到濃邊，十分香脆，伴沙律菜可減減油膩感。軟殼蟹米紙卷米紙卷非常煙韌，還加了蕎麥，十分特別，包埋酥脆既軟殼蟹、生菜和檬粉，配上辣味既美乃滋醬，層次非常豐富。牛油果奶昔淡淡牛油果味，好fresh，夏天消暑必備。