Video
Read full review
2023-09-17
546 views
雖然已經踏入初秋，但係天氣仍然好熱，偷懶唔想煮飯，有人提議帶我去灣仔「拾味」食刀削麵。店子地方不大，一般茶餐廳格局，但入面嘅裝修都幾骨子，燈火明亮，環境乾淨企理。第一次嚟呢間麵館，原來呢度嘅刀削麵有幾種食法，可以揀湯麵、熱拌或冷拌，而且餸料超多花款；如果唔想食麵，仲可以選吃上海菜飯、淨水餃或雲吞等。我哋點咗碗冷刀削麵、上海淨水餃同一碟油菜。 消暑冷刀 ($69) 刀削麵可以轉拉麵或米線同任選一款餸，如果想配多啲餸料，就每款 +$10。揀咗燻蹄絲和手撕雞 (+$10)，配料有青瓜絲、粟米粒同黃金芝麻醬。麵條粗度均勻，食落好爽身，煙韌有咬口，配上濃香嘅麻醬，啖啖滋味。燻蹄皮爽肉嫩；手撕雞入味又不嚡口，食落仲帶陣陣麻油香。另外跟餐 +$6 就可以配杯豆漿，冷熱同價，非常經濟，飲落都幾順滑，甜度亦啱啱好。上海淨水餃 ($50) 水餃一碗有 10 隻，外皮厚度做得剛剛好，食落幾有彈性，入面包住滿滿嘅豬肉同椰菜，豬肉新鮮、椰菜清爽，味道唔錯。郊外油菜 ($25) 有唐生菜、芥蘭、菜心可供選擇，菜心鮮爽翠綠，入口清甜又無渣👍
雖然已經踏入初秋，但係天氣仍然好熱，偷懶唔想煮飯，有人提議帶我去灣仔「拾味」食刀削麵。
店子地方不大，一般茶餐廳格局，但入面嘅裝修都幾骨子，燈火明亮，環境乾淨企理。
第一次嚟呢間麵館，原來呢度嘅刀削麵有幾種食法，可以揀湯麵、熱拌或冷拌，而且餸料超多花款；如果唔想食麵，仲可以選吃上海菜飯、淨水餃或雲吞等。
我哋點咗碗冷刀削麵、上海淨水餃同一碟油菜。 
消暑冷刀 ($69) 刀削麵可以轉拉麵或米線同任選一款餸，如果想配多啲餸料，就每款 +$10。揀咗燻蹄絲和手撕雞 (+$10)，配料有青瓜絲、粟米粒同黃金芝麻醬。
麵條粗度均勻，食落好爽身，煙韌有咬口，配上濃香嘅麻醬，啖啖滋味。燻蹄皮爽肉嫩；手撕雞入味又不嚡口，食落仲帶陣陣麻油香。
另外跟餐 +$6 就可以配杯豆漿，冷熱同價，非常經濟，飲落都幾順滑，甜度亦啱啱好。
上海淨水餃 ($50) 水餃一碗有 10 隻，外皮厚度做得剛剛好，食落幾有彈性，入面包住滿滿嘅豬肉同椰菜，豬肉新鮮、椰菜清爽，味道唔錯。
郊外油菜 ($25) 有唐生菜、芥蘭、菜心可供選擇，菜心鮮爽翠綠，入口清甜又無渣👍
Post
