Video
Read full review
2017-10-15
416 views
天時暑熱 一於搵個地方食冬瓜盅，石門呢邊 商業大廈啱啱入伙冇耐，酒樓地方寬敞，裝修新淨，冷氣又夠，真係可以坐得舒服慢慢歎啦 ，一坐低就叫冬瓜盅，因為酒樓通常呢啲菜式都係限量供應，呢啲消暑極品 ，好快就冇，所以茶都未開就拿拿林落單先。材料豐富，有好大隻嘅蝦肉，帶子， 蓮子，夜香花，蟹肉同埋絲瓜，挖出嚟嘅冬瓜 軟淋淋，香甜消暑，咁多材料煲嘅大冬瓜湯 可以分到十幾碗出嚟，個人已經連飲幾滿 食完啲餸再清埋佢。黑松露象拔蚌片有三色椒 ，木耳，西芹， 草菇， 洋蔥同可以點石成金嘅黑松露炒嘅象拔蚌片， 爽滑彈牙 夠曬鑊氣。揀咗一個 178蚊 優惠套餐，孖寶C，兩個配搭 一個係脆皮燒腩仔 另一個係白灼海生蝦，脆皮燒腩仔好似啱啱燒出嚟咁香， 肥瘦適中， 送飯送啤酒都得。一斤份量嘅白灼海生蝦， 隻隻都咁大隻， 又新鮮，蝦頭仲有好多蝦膏，點少少豉油都已經好好食。加埋其他小菜 ，每人200蚊都唔使 又坐得舒服。
材料豐富，有好大隻嘅蝦肉，帶子， 蓮子，夜香花，蟹肉同埋絲瓜，挖出嚟嘅冬瓜 軟淋淋，香甜消暑，咁多材料煲嘅大冬瓜湯 可以分到十幾碗出嚟，個人已經連飲幾滿 食完啲餸再清埋佢。
黑松露象拔蚌片
有三色椒 ，木耳，西芹， 草菇， 洋蔥同可以點石成金嘅黑松露炒嘅象拔蚌片， 爽滑彈牙 夠曬鑊氣。
揀咗一個 178蚊 優惠套餐，孖寶C，兩個配搭 一個係脆皮燒腩仔 另一個係白灼海生蝦，脆皮燒腩仔好似啱啱燒出嚟咁香， 肥瘦適中， 送飯送啤酒都得。
一斤份量嘅白灼海生蝦， 隻隻都咁大隻， 又新鮮，蝦頭仲有好多蝦膏，點少少豉油都已經好好食。
加埋其他小菜 ，每人200蚊都唔使 又坐得舒服。
Post
