添寶手撕雞 (德民大廈)

Open Now

Now Closed

其實呢間舖一開張我已經有去幫襯，久唔久Lunch會去買個撈麵食，以前有好多種口味撈麵，但宜家得返胡麻醬同麻辣醬。① 胡麻醬手撕雞撈麵 $36中式涼麵用胡麻醬撈匀，配料有手撕雞同青瓜絲，但我覺得雞肉有啲鞋，實在令我有啲失望。所以之後我都係揀涼拌小食，實在吸引好多。② 涼拌小食雙拼撈麵 $36多款選擇，但留意返有啲「皇牌小食」要額外加錢。我暫時試過麻辣豬耳，滷大腸，熏蹄，生腸，牛肚，牛肺，皇牌小食頭抽墨魚等。份量幾多，而且好味，個人推介生腸，爽脆口感。麻辣撈麵我覺得有少少油，而且唔係好夠辣，所以每次如果食麻辣醬我都會叫店員加辣，佢就會落多啲辣椒碎。.午餐會跟一包紙包飲品，不過唔凍既。另外想講下店員啲態度麻麻地，真係次次幫襯都西面。