添寶手撕雞 (德民大廈)

Open Now

Now Closed

紅磡德民街添寶手撕雞簡直呃錢又衛生！本人經常於元朗，馬鞍山，屯門等分店購買食物，份量與價錢都好公平，唯獨德民街呢間就非常暴利，記得第一次去買男主人話要$40起，無問題！當埋到廚櫃揀選時，就感覺到嗰個玻璃嘅熱度非常高令人聯想到內裏嘅食物會唔會有變化，即時講咗聲對唔住唔買喇就走人。第二次因為應承咗會買青瓜手撕雞比朋友食而又趕時間所以又到德民街這間添寶手撕雞買外買，店員話一份要$60，無問題！我要夠$80，點知個店員將只有半盒嘅食物裝袋交給我，我即時問店員點解咁少嘅，跟我平常在其他分店所買嘅只得一半份量，會唔會聽錯或者攪錯！跟著店員身後的女店主出嚟就話舖租貴無辦法，唯有將貨就價，唔好意思呀！我本人好想好想知道連鎖店唔係都有規格去監管銷售？而是坐地起價！！

【九龍城區】【添寶手撕雞】有一晚坐朋友車去買飯，喺黃埔附近兜咗幾個圈都唔知食乜好，由於 21/4 恢復晚市堂食到十點，所以都想趁機寫埋多啲只做外賣嘅食肆。咁啱經過呢間添寶海南雞，雖然知佢好似好多分店，但係我真係一次都未食過。講話食就要食看似簡單，但好似港鐵新動力咁講罷工講抗爭等到發霉都未見影，就知其實坐言起行喺呢個世代都係一件有難度嘅事。不過嚟到添寶，見到佢有塊黑板寫住「回家齊抗疫」，又真係有優惠提供，講得出又做得到。就叫佢個抗疫優惠嘅「半隻手撕雞+4款小食」，個「手撕雞」都有成盒，仲可以揀辣度。本身我係諗住揀唔辣，但係見到賣嘢嘅妹妹望住我嘅眼神，我一於改變主意，要小辣！佢細心咁打開咗一盒畀我睇，都真係打滿晒架喎。而小食方面，我揀咗「鮮脆雞腎」、「爽脆生腸」、「麻辣熏蹄」同「軟腍豬脷」，喺揀嘢嘅期間，店員妹妹都有話我聽係乜，仲叫我唔好睇 menu 因為現場睇仲有咩小食就最好。我問吓問吓，又 R 到幾句嘢講嘛。咁樣 $108 其實一啲都唔過份，仲可以用消費券，真係高興。唔止呢兩盒，喺妹妹 pack 嘢嘅時候，佢仲送咗一盒「雞腳」畀我，真好。臨走嘅時候望多佢一眼，綠色嘅頭髮配上青春氣色夠可

前晚係紅磡果間買左佢既手撕雞撈面，我見佢盒面擺係溫度而唔係雪櫃都知奶奶地野，食完當晚就發冷抽搐、嘔吐、發燒，辛苦到想死，睇醫生話我急性腸胃炎，呢次係第一次亦都最後一次幫襯！

附近返工，咁啱經過買咗外賣食。招牌手撕雞飯$36，可以揀唔同嘅醬汁，小食每款加$9，我加咗佢哋嘅鮮脆雞腎。佢地既份量都算唔錯，總共$45，正常食量絕對食得飽。手撕雞佢一早撈定，配上大量青瓜😥雞嘅份量比較少，反而青瓜多，雞食落冇咩味，一般般，不過$36黎講，絕對係合理既。要推薦嘅係佢哋個鮮脆雞腎！好惹味，而且食落係脆口架😆個人好鐘意！再配上佢嘅麻辣汁飯，一流！會回購💕不過下次可能未必會再叫手絲雞，叫小食雙拼可能會抵食啲。不過要講講既就係服務態度有啲差。。。

其實呢間舖一開張我已經有去幫襯，久唔久Lunch會去買個撈麵食，以前有好多種口味撈麵，但宜家得返胡麻醬同麻辣醬。① 胡麻醬手撕雞撈麵 $36中式涼麵用胡麻醬撈匀，配料有手撕雞同青瓜絲，但我覺得雞肉有啲鞋，實在令我有啲失望。所以之後我都係揀涼拌小食，實在吸引好多。② 涼拌小食雙拼撈麵 $36多款選擇，但留意返有啲「皇牌小食」要額外加錢。我暫時試過麻辣豬耳，滷大腸，熏蹄，生腸，牛肚，牛肺，皇牌小食頭抽墨魚等。份量幾多，而且好味，個人推介生腸，爽脆口感。麻辣撈麵我覺得有少少油，而且唔係好夠辣，所以每次如果食麻辣醬我都會叫店員加辣，佢就會落多啲辣椒碎。.午餐會跟一包紙包飲品，不過唔凍既。另外想講下店員啲態度麻麻地，真係次次幫襯都西面。

呢間新開張嗰陣我都成日落去買嚟食 嗰陣個老闆態度又好依家無論老闆定員工上至下啲態度啲面口一律差到爆問老闆畀多兩對筷子佢都好似命令式咁嘅呼喝語氣同我講『自己攞啦！！！！』無下次啦！以後唔會再幫襯！

天氣🔥🔥🔥🔥果然係我一年入面最唔鐘意既月份熱到個人都唔想食熱野但又肚餓所以就叫左手撕雞冷麵希望可以降溫一下呢個係黑松露手撕雞冷麵配生腸雞腎😩😩😩😩😩唔食青瓜既我見到充滿住青瓜既面即刻好想扣分青瓜無得走姐都唔洗比咁多我啊🥹而且雞呢 少得可憐好難想像淨叫手撕雞冷面既點算好彩我有叫其他餸姐所以強烈推薦大家一定要加餸！講埋配料先都多選擇既 個生腸好爽雞腎好入味總算打返個和不過我就建議大家真係要叫餸唔一定要食雞既

晏晝嗌左個手撕雞飯，青瓜絲同手撕雞既比例係8比2，大家想食手撕雞，千祈唔好幫襯呢間，另外我會建議佢改個名叫青瓜絲手撕雞飯，才合理，之前都幫襯過3拼，大腸，豬耳，牛肚，$45，份量合理，味道不俗。

見到佢嘅主打係手撕雞，於是就叫咗個最普通嘅手撕雞飯。$36 有野飲送，都幾抵食。不過白飯份量好多，餸好少😑其實單單食手撕雞呢，係入味同好食既。不過，雞份量略少，青瓜絲比較多😅不過呢個價錢都無咩要求架啦😂

第二次幫襯，麻辣手撕雞超好味，麻辣又香又惹味～唔食得辣嘅朋友，就叫胡麻醬，個汁又香又滑份量充足，一個午餐啱啱好，$35，性價比高小食入味，推介豆腐，一定要食配埋個冷麵，夏天唔想食熱辣辣嘅嘢啱晒會再幫襯

剛剛搬返紅磡舊屋住，路過黃埔新村，見到有間小食店，雪櫃內有好多款小食好吸引，又咁岩15:00，見到佢有下午茶撈麵餐$30有手撕雞撈麵仲有一包綠茶，好抵喎，我買左兩盒同老公一齊食。手撕雞撈麵加台式滷牛肉 $30$12=42手撕雞撈麵加紅腸，墨魚，牛肺，海哲$30+$12+8= $50我見佢好多小食，我又貪心想試多幾款，老闆見到我心大心細，比左幾條海哲同紅腸我試食。老闆都好大方，雖然冇乜笑容.手撕雞撈麵 麵條有彈力，好似涼面咁，少少涷、夏天食幾好。台式滷牛肉 好有滷水味，好入味墨魚 我見好多人買，果然係好味道，墨魚好爽口，食得出係新鮮整。牛肺好似好普通，但係都好入味紅腸雖然只有兩塊，因為係送比我試食，都入味，但係唔夠爽口海哲味道好香，但係有一條食落有啲沙咁可以再encore, 下午茶抵食。

揀佐四個餸，豬腸、生腸、手撕雞同海蜇，話因為海蜇同手撕雞都係皇牌，所以要加返少少錢。豬大腸超淋滷味勁入味，竟然一啲臭味都無。生腸同海蜇好爽脆，咬落‘殺殺’聲，不過無咩味。手撕雞會配好多青瓜好似唔太抵食咁🙈同埋味道一般炸喎🤔可能因為太期待本身諗住$80兩個人食價錢都OK，結果我一個人食晒啦，咁一個人$80咪好貴🥺

老實講，佢個餐牌有啲混亂😑😑。我地冇買過第一次買，咁就想叫皇牌個套餐(係涼拌手撕雞加3-4款小食嘅，餐牌寫$72嘅)。咁我叫時就講話要皇牌套餐要3-4款嗰隻，咁個女仔店員好似唔知我想要咩咁，咁我指住個餐牌話要呢個，個疑似老闆嘅男人就行前去個櫃枱好冇禮貌咁講話個餐牌背住我地，我哋唔知佢寫乜架🙄🙄 吓～我講到明要皇牌手撕雞加3-4款小食 $72嗰隻 連店員老闆都唔知餐牌有咩賣 咁我仲可以點樣點餐😤後尾仲神奇，個店員話你要咩買咩？再報價比我。後尾我地叫涼拌手撕雞加3樣小食 報價$70元。其實我想講本來我真係極度想走唔買，基於我當時見我老公好似冇野咁就算。但點知我老公都其實好嬲，知我話想買先冇出聲。同時間，我聽到佢對客真係好悔氣，真係唔明點解成日咁多人排隊。講真要唔會有下次。無論好唔好食。唔會再買😡

試過就算，問下佢價錢同點賣，問佢辣可唔可以另上，就黑口黑面咁，叫左盒原味手撕雞撈麵 $35，加海蜇 $11一叫完佢地就拎左一個撈好左既麵出來，再夾出面賣緊個d 青瓜手撕雞！夾完青瓜手絲雞，個女仔一條一條海蜇咁夾，夾一條望住個老闆一次，好似好驚咁，點解既........ 雖然睇樣海蜇好似好硬咁，其實幾好食，但分量就真係得幾條，都知道海蜇係貴嘢，明白既！本來以為佢地得5條雞，但原來唔係！我怪錯佢地，因為食到底個麵都有幾條雞絲架！一早撈好既麵好散好粉，味道好一般，雞既質地唔算好差既，係某d 雞皮有小小黑，同埋個味唔好食同有D怪，送左盒維他綠茶，都係賣$46 蚊, 學生仲可以減 $5 ，唔好食都正常！