素年 (福隆大廈)

Open Now

Now Closed

深水埗近期大熱的餐廳，一定係素年，素年是一間文青素食cafe，朋友們食過都一致好評及強烈推介。由於餐廳面積偏細，座位有限，建議大家book左位先，walk in都未必有得入。當日book左晚上8點正，同友人逛完街先過來餐廳，由於未夠8點，加上未有吉位，只好係門口張長櫈坐住等入座。順便睇下餐牌食咩好~餐牌主菜款式其實唔多，不過種類就較多元化，仲有fusion菜式。不過我好快就比日式定食吸引左，另外再配熱的黑豆茶。當日式定食上枱時，我已經忍唔住幫佢影相啦~日式烏冬配各種配菜及甜品，有昆布醬油湯底既腐皮烏冬、炸南瓜餅、凍豆腐、枝豆、醃蘿蔔、小紫薯及紅豆糯米糍。雖然擺盤同份量都加分，但味道就始終唔係太適合我呢種重口味既人啦！整體味道偏淡，特別係個烏冬，食落口係完全無味，紅豆糯米糍個皮就唔夠煙韌。唯一好食就係個南瓜餅，不過第一口食落似蕃薯餅多於南瓜餅...友人個菠菜闊條麪都係一般般，菠菜汁唔夠濃郁，都係清淡為主。不過份量就足夠。總括黎講，呢間大熱既素食Cafe我就唔太識欣賞啦，無朋友口中講到咁好，食過一次後都未必會再光顧。