Video
Read full review
2015-07-09
444 views
茶記之旅貳@華富華富邨~~細細個就聽過佢個名。印象一直係極南之地遙不可及。最出名梗係倚山望海+UFO事件。人人住到風生水起。因而得到公屋豪宅之名。貝沙灣就係隔黎少少咋噃雖然有巴士直達。原來卅幾年從未踏足過。今趟難得黎到。極度陌生之餘又帶點親切感。因為都係井字加一字型樓。連色水都差唔多。而且成個平台街邊都滿佈老人家。吚喂！同我樓下有乜分別呢～再加埋領匯既神級複製技術鋪頭都差無幾。仲要有我最愛既“意樂”添。不過今日一別不知何年何月再見。最後揀左間舊式茶記探索一下一入鋪就衝向死角坐低。貪佢睇晒全場同方便自閉一下唔好阻人。極高既樓底再加上幾把吊扇。牆身顏色淡黃配淺木色卡位。Well成個感覺都唔精神一D都唔吸引噃。撞岩食飯時間比較多後生黎食。當然都有唔少手騰腳震既老街坊嘆茶啦。眼見好多人叫碟頭飯。但黎得都係堅持試菜之選～常餐熱奶茶~多士！又係秒殺多士。其實用心烤完配上適量牛油。要好食又有幾難呢？厚邊熱茶。睇色水都知茶味濃郁口感豐富絕不欺場。今次爭議點出係牛面度。見有人寫話淡貿貿好似用水開希咁好難食云云。無可厚非佢顏色咁淺未食都知乏味。之但係衰在佢個淡嗲味同個環境係絕配喎。清淡可能就係呢樹老街坊既
華富邨~~細細個就聽過佢個名。印象一直係極南之地遙不可及。最出名梗係倚山望海+UFO事件。人人住到風生水起。因而得到公屋豪宅之名。貝沙灣就係隔黎少少咋噃
雖然有巴士直達。原來卅幾年從未踏足過。今趟難得黎到。極度陌生之餘又帶點親切感。因為都係井字加一字型樓。連色水都差唔多。而且成個平台街邊都滿佈老人家。吚喂！同我樓下有乜分別呢～再加埋領匯既神級複製技術鋪頭都差無幾。仲要有我最愛既“意樂”添。不過今日一別不知何年何月再見。最後揀左間舊式茶記探索一下
一入鋪就衝向死角坐低。貪佢睇晒全場同方便自閉一下唔好阻人。極高既樓底再加上幾把吊扇。牆身顏色淡黃配淺木色卡位。Well成個感覺都唔精神一D都唔吸引噃。
撞岩食飯時間比較多後生黎食。當然都有唔少手騰腳震既老街坊嘆茶啦。眼見好多人叫碟頭飯。但黎得都係堅持試菜之選～常餐熱奶茶~多士！又係秒殺多士。其實用心烤完配上適量牛油。要好食又有幾難呢？厚邊熱茶。睇色水都知茶味濃郁口感豐富絕不欺場。
今次爭議點出係牛面度。見有人寫話淡貿貿好似用水開希咁好難食云云。無可厚非佢顏色咁淺未食都知乏味。之但係衰在佢個淡嗲味同個環境係絕配喎。清淡可能就係呢樹老街坊既口味我既著眼點係碗面湯少但牛肉嗲汁極多一反茶記做法。食起上黎好似沙嗲牛肉撈面咁。正嫁喎！
好多時唔岩自己口味想法。唔代表唔好味或者人地錯。多角度去諗下感受下。欣賞下箇中既味道同特點。可能會帶比你一Ｄ新既視野同衝擊。從今開始我既味蕾開發左一個區域～淡淡然的老街坊口味～平平靜靜清清淡淡
講起開發味蕾。成日勾起十幾年前北京王府井既蠶繭昆蟲內臟嘔心瀝血反胃再反胃。絕對係十級深刻加廿級後悔既味道。呢一刻又有點反胃了。人既記憶實在可怕飛返返去現場先。邊食邊影邊發呆。發現食客依然不斷。仲有帶埋細佬既爸爸同岩岩訓醒既宅男。證明淡得黎都可以有好多捧場客既。
甫踏出門口。腦海中不期然哼起一首耳熟能詳既旋律生活淡淡似是流水最後送上華富後欄求其一拍既景色。未免太過舒適優閒了吧
Post
