Video
Read full review
2022-11-29
310 views
天氣漸涼，今日收工去左旺角淥鼎記打邊爐。一排無黎，原來剛剛轉咗餐牌。例牌叫個小寶套餐，平日7:30前離座價錢$228加一。落單用QR code。先黎一份四格前菜，分別有鹹蛋黃炸魚皮，酸辣鳳爪，涼拌青瓜，同花生合桃。都令人幾開胃。呢個價錢包主菜6選1，我地揀咗椰子雞，個湯底帶淡淡雞味同椰子味，味道清得黎又夠味，之後用黎淥野食都好好味。湯底有唔少椰子片，食落脆脆地。另上半隻雞切件連雞頭。配有青檸同薑蓉。雞肉好嫰滑，唔似一般貨色，之後我地用呢個湯黎打邊爐打返一陣先轉湯底。火鍋湯底6選1。我地今次選左肉骨茶鍋，好似係新款式，入面有兩大件豬骨，同埋大蔥同蒜頭。味道方面藥材唔太重，有少少鹹，淥野食都夠味，唔會太重口味，我覺得算清淡唔錯。其他湯底有花膠美人鍋，鴨血麻辣，澳門豬骨，老壇酸菜鍋同海皇海鮮鍋。安格斯極佳級精修肥牛呢度d肉唔會太薄切，食落有質感。安格斯極佳級精修肥牛一客3大片。牛味濃，只係脂肪稍為多。安格斯牛板腱安格斯牛板腱係新野，長方型切割，一客幾片。質感非常厚身有口感，唔好淥太熟，食落又厚又重牛味，正！安格斯牛板翼安格斯牛板翼係長形切割，一客3大片，食落都差唔多，係較粗身少少，都好食。穀
先黎一份四格前菜，分別有鹹蛋黃炸魚皮，酸辣鳳爪，涼拌青瓜，同花生合桃。都令人幾開胃。
呢個價錢包主菜6選1，我地揀咗椰子雞，個湯底帶淡淡雞味同椰子味，味道清得黎又夠味，之後用黎淥野食都好好味。湯底有唔少椰子片，食落脆脆地。
椰子雞
16 views
0 likes
0 comments
椰子雞
8 views
0 likes
0 comments
肉骨茶鍋
5 views
0 likes
0 comments
安格斯極佳級精修肥牛
22 views
0 likes
0 comments
安格斯牛板腱
9 views
0 likes
0 comments
安格斯牛板腱係新野，長方型切割，一客幾片。質感非常厚身有口感，唔好淥太熟，食落又厚又重牛味，正！
安格斯牛板翼
13 views
0 likes
0 comments
安格斯牛板翼係長形切割，一客3大片，食落都差唔多，係較粗身少少，都好食。
穀飼糖裝梅頭
4 views
0 likes
0 comments
穀飼糖裝梅頭係新野，一客3片圓形切割。顏色粉嫩，脂肪少，食落都好香豬味。
伊比利亞黑毛豬
12 views
0 likes
0 comments
伊比利亞黑毛豬就脂肪分佈更加靚，食落非常嫩口而帶少少彈牙。
紐西蘭羊肉片
4 views
0 likes
0 comments
紐西蘭羊肉片一客兩大片，係圓形切割，食落好嫩口，脂肪少，味道只有少少羶。
鮮脆鯇魚肉
7 views
0 likes
0 comments
鮮脆鯇魚肉又脆又鮮，真心正！
潮汕蝦丸，潮汕墨魚丸
4 views
0 likes
0 comments
潮汕蝦丸，潮汕墨魚丸每次一人上一粒。
其他選擇仲有鮮脆鯇骨腩，鮮雞件同雞子。
自助配料吧好似太空艙設計，好有現代感。感覺乾淨企理。火鍋配料同蔬菜都好多選擇，今次無逐一細看，食肉都已經夠食。醬料自己去自助醬料吧攞。
青菜有4款，分別係娃娃菜，生菜，皇帝菜同菜心，質素唔錯。其他蔬菜仲有淮山，萵苣，南瓜片，冬菇，金菇，冬瓜，秀珍菇，木耳，蓮藕，響鈴等。
炸魚皮香脆好味。主食有稻庭烏冬同出前一丁。
飲品有自家製涼茶包括竹蔗茅根，冷泡茶，道地包裝飲品，韓國樂天罐裝飲品，罐裝汽水等等。
總括而言，食物質素保持一貫水準，今次個餐進化咗變相多咗個主菜同湯底，而價錢並無加，非常抵食。難怪星期一晚人山人海。
Post
