BKK

好耐冇來過pmq，但最近發現有間好特別嘅泰國餐廳，呢度個裝修勁靚，超似泰式古宅，每一個角落都係打卡勝地，超級有feel！喺咁靚嘅地方，當然食慾大增啦！前菜首先點咗炭燒和牛串配東北酸辣汁，個醬汁勁好食，和牛一啲都冇鞋，加上個酸辣汁真係超級正，所以好快就加點埋個炭燒虎蝦沙嗲串。啲蝦好新鮮好大隻。蟹肉奄列其實都有好多蟹肉，外面整得好脆，配埋個醬汁食，感覺真係返咗泰國。斑斕葉香茅蒸原條紅鯛魚比我想像中更加大條，同埋重點係佢已經幫你去晒骨，真係食得超方便！甜品方面就要左芒果椰汁糯米飯，糯米飯熱辣辣，芒果亦都十分之香甜。甜椰絲湯丸都唔錯！飲品我哋就要咗一杯有酒精嘅siam basilico同另外一杯冇酒精嘅Red dates tea。兩個都幾清新。