紅茶 (Closed)

2022年2月27日下午5點去食，一入門口講咗2位，坐低咗侍應阿姐又問，我再答多一次2位，之後侍應阿姐行埋嚟再問第三次，我唔明有幾唔專心先會問完又問問完又問。之後侍應阿姐擺低碗豬扒通粉時，啲湯倒咗少少出嚟整濕咗啲紙巾，於是問佢攞過啲新紙巾，佢話好好好然後冇咗件事。再之後問另一個侍應阿姐，又係答好好好然後冇咗件事。問到第三個侍應阿姐，又係同一答案，最終我忍唔住真係當住咁多客面前鬧爆佢哋幾個，然後佢哋仲好似當冇事咁，面皮厚到無敵。最勁係佢哋催人埋單就枱枱都記得去催(因為冇晚市堂食，佢哋6點就收舖)，仲要巡幾次確保啲人埋哂單，但攞兩張紙巾都要人發脾氣先有，服務真係垃圾到極點。