京香閣 (Closed)

話說母親節嗰幾個禮拜好多餐廳都坐地起價，又book唔到位，星期六晚想食個飯唯有去啲中環上環呢啲商業區，感覺好似冇咁多街坊客。Research完之後發覺呢間北京填鴨任食好似好抵，每位228，但係因為唔知咩形式，所以book咗枱試一試佢。原來係半自助餐，北京填鴨只要排隊就可以任拎，仲有點心包點可以食點心紙咁樣嗌。首先當然一枝箭去咗拎北京填鴨啦，見到啲鴨新鮮烤出嚟放喺旁邊，師傅好默默手咁1片1片片落嚟，因為人流都好多所以基本上都會拎到新鮮嘅鴨肉同埋薄餅，佢仲有青瓜，蜜瓜試俾你夾住啲填鴨食，配套都幾豐富。每人仲有一人一碟嘅鮑魚冬菇同埋老火湯。咸食方面，佢偏向川菜同上海菜，出乎意料之外地我覺得咸食主菜比北京填鴨更加出色，特別係佢個叉子燒餅、上海粗炒同埋水煮牛肉。佢亦都有好多傳統嘅上海冷盤提供。包點方面，我欣賞佢個小籠包，係任食黎講，皮薄同湯汁非常多，質素算好高。仲有甜品高力豆沙，細細粒好cute，都幾好食。