深井陳記燒鵝酒家

Open Now

Now Closed

陳記燒鵝聽就聽得多，食就真係第一次食。 今日爸媽竟然話好想食燒鵝， 咁梗係帶他們試下深井嘅陳記燒鵝啦!晚飯時段已經爆晒場， 好彩都係等咗一陣就有位， 真係好好彩。人少可以坐卡位，人多可以坐圓枱， 座位都 闊落。我們叫左個b餐，分別有半隻燒鵝， 清蒸海斑 和薑蔥肉蟹煲。燒鵝分量好足，燒到金黃色， 皮香肉嫩，當中仲帶點juicy，味道剛好， 唔會太鹹，非常滋味。而清蒸海斑都好大條， 魚肉香滑，新鮮鮮甜， 烹調時間控制得非常好，一d都唔鞋，仲好有水準添。肉蟹好大隻，個煲好似剛剛放得落。味道鮮甜惹味， 薑蔥又多，非常足料， 呢個餐真係非常抵食。蒜蓉蝦配糯米飯， 糯米飯用一個籠仔裝住，賣相好靚好吸引。 蝦嘅份量好足，精華比糯米飯吸曬，令到糯米飯更加煙韌鮮甜， 令人食到停唔到口。如果簡單啲又唔想諗太多，其實叫呢個海鮮三寶係最抵， 又有海鮮食同時又可以食埋燒鵝， 一舉兩得你話幾好。