One Restaurant

Open Now

Now Closed

有朋友住喺深井嗰頭之前一直推介我去陳記廣場嗰度食西餐，難得放假今日最約埋朋友去食好野 。呢餐廳整體環境好清幽，餐廳分為室內同室外因為個日天氣都涼涼地所以我哋都選擇坐返室內，我哋叫咗兩個午餐，午餐方面包埋沙律，麵包同埋餐飲另外仲叫咗一份小食。焗雜菌芝士長通粉即叫即整所以上枱真係熱辣辣，入邊有啲洋蔥絲，好多雜菇加埋頭啲芝士仲可以做到拉絲效果嫁，食到底仲有好多醬汁撈埋啲通粉朔晒d味，真係非常滿足。日本水飼豬安配偏意粉食落非常香口而且好多肉汁配埋啲醬汁非常之夾啊仲可以適當減低油膩感，扁意粉方面軟硬度適中，配埋啲蔬菜非常清新。芥末炸雞皮脆肉嫩配埋啲芥末醬真係非常香口，食唔停口。整體來講雖然車程比較遠但係餐廳水準唔錯可以同朋友再嚟。