Video
Read full review
2018-07-28
218 views
首先要講聲唔好意思呢篇食評只會有三幅相😂因為當日食飯嘅時候已經係夜晚十點幾,做完運動好餓,本身又冇諗住打食評,所以冇乜點影相..黃大仙南館呢邊食日本嘢🍱🍜通常啲人都會去和氣食堂,我哋上次weekend黎經過呢間炸雞店冇乜人,反而和氣就大排長龍,所以我就以為呢間好難食所以先冇人幫襯😛但其實我覺得佢個炸雞係ok嘅~ 尤其係十點幾呢啲鐘數口痕想食啲邪惡嘅嘢,又唔想頹食k記m記果d,呢間都係一個唔錯嘅選擇🤗🤗我覺得最好食佢個招牌炸雞,炸得幾正,d雞都好鮮嫩,最正係佢果三個醬真係好!好!食三隻都正加錢配咗杯白桃乳酸唔算太甜都幾好味,個麵豉湯就一般般啦..🤔我哋仲嗌咗芝士野菜炸雞,哇媽呀好伏😱😱😱d芝士真係唔加好過加,連身為芝士控嘅我都頂唔順..唔知係咪師父太早淋d芝士上去,定啲芝士唔靚, 無論個口感定味道都奇差..😧😧 啲茄子蘿蔔又冇咩味,呢個真係十級唔推薦!!最後講埋服務,都係一個字--差!!首先一開始侍應上錯菜都唔知,仲要我哋 影完相,用隻筷子點左一下啲醬嚟試佢先嚟攞番啲嘢畀前面張枱個客人😑😑 好彩我哋未食咋..同埋臨走賣單嗰時都搞笑, 我哋行到收銀前面等咗一陣都冇人嚟收錢😂 但係明明不遠處
黃大仙南館呢邊食日本嘢🍱🍜通常啲人都會去和氣食堂,我哋上次weekend黎經過呢間炸雞店冇乜人,反而和氣就大排長龍,所以我就以為呢間好難食所以先冇人幫襯😛但其實我覺得佢個炸雞係ok嘅~ 尤其係十點幾呢啲鐘數口痕想食啲邪惡嘅嘢,又唔想頹食k記m記果d,呢間都係一個唔錯嘅選擇🤗🤗
我覺得最好食佢個招牌炸雞,炸得幾正,d雞都好鮮嫩,最正係佢果三個醬真係好!好!食三隻都正
加錢配咗杯白桃乳酸唔算太甜都幾好味,個麵豉湯就一般般啦..🤔
我哋仲嗌咗芝士野菜炸雞,哇媽呀好伏😱😱😱d芝士真係唔加好過加,連身為芝士控嘅我都頂唔順..唔知係咪師父太早淋d芝士上去,定啲芝士唔靚, 無論個口感定味道都奇差..😧😧 啲茄子蘿蔔又冇咩味,呢個真係十級唔推薦!!
最後講埋服務,都係一個字--差!!首先一開始侍應上錯菜都唔知,仲要我哋 影完相,用隻筷子點左一下啲醬嚟試佢先嚟攞番啲嘢畀前面張枱個客人😑😑 好彩我哋未食咋..
同埋臨走賣單嗰時都搞笑, 我哋行到收銀前面等咗一陣都冇人嚟收錢😂 但係明明不遠處就有個侍應喺度抹枱.. 佢一直唔抬頭,直到我哋叫佢佢先叫人嚟收錢,好唔醒目
Post
