深宵食堂

Open Now

Now Closed

以前喺銅鑼灣食過深宵食堂，近排見旺角開咗分店就搵埋友人嚟回味下。友人無酒不歡，啤酒夠凍唔錯。巨峰提子梳打味道夠甜。汁燒雞腎 - 咬落韌韌地有口感，燒得好入味。安格斯牛柳 - 肉質鬆軟多肉汁好juicy，好好味！厚燒牛舌 - 口感軟中帶韌，燒得唔會太乾身。芝士翠玉瓜 - 口感爽脆，芝士燒得半溶有啲痴牙。和風牛肉餅 - 外層炸粉香脆，中間嘅薯蓉香濃軟滑，可惜牛肉比較少。鹽燒秋葵 - 好爽口，味道鹹鹹地唔錯。日式炒麵 - 炒得好入味，味道有啲似大阪燒。鰻魚玉子燒 - 玉子結實唔會一夾就散，食落味道比較偏淡，加埋茄汁味道啱啱好。