半島漁港/阿翁火鍋館 (南昌薈)

Open Now

Now Closed

今日放假約咗朋友去南昌薈呢間阿翁火鍋館食任食火鍋，之前去過其他分店食過質素唔錯，而且最緊要嘅係佢係無限時👍🏻任飲任食，可以無拘無束地慢慢嘆，今次朋友住近呢邊，所以就約左喺呢間食，我地一早訂咗枱準時1800入座，安排左我地坐卡位，座位闊落坐得好舒適，出面而家好多餐廳座位設計都比較窄坐得好唔舒服，呢度完全冇呢個問題👍🏻，講返嘢食先今次就冇選雞煲就試左佢個豬骨煲，粟米同豬骨都幾好食份量恰當，跟住再嚟一份刺身有:三文魚、帶子、甜蝦同赤貝， 質素唔錯都幾新鮮👍🏻，然後到蠔皇鮑魚扣玉掌，呢個真係好好食炆得好冧好入味非常推介👍🏻👍🏻👍🏻， 之後再嚟埋海鮮拼盤有: 龍蝦、蟶子、帶子、海蝦、魷魚同埋生蠔，以上海鮮雖然都係一次性不是任食但確實非常新鮮同高質👍🏻，牛頸脊好有肉味亦好腍滑好食，食完跟住再叫左任食嘅食材有: 鱔片、脆鯇片質素都好高食落都幾爽彈，其餘任食肥牛、丸類、鵝腸、牛柏葉、水魷同午餐肉等都係正常水準，忘記講每人仲有一粒水餃皇，鍾意食餃類嘅朋友一定要試😋餡料足好食👍🏻，另外值得讚嘅地方係呢度既侍應都好親切會時常幫你換碟同加湯，呢間阿翁火鍋館無論食物質素、服務態度、環境地方都好好，而且價錢合理，