蘇媽.蘇媽馬來西亞茶餐室

Open Now

Now Closed

有次經過深水埗諗住食蕃茄師兄，點知鋪頭話準備中，要六點先開飯，咁就去咗隔離食蘇媽。蘇媽係我一直想試嘅餐廳，因為幾鍾意食白咖喱。首先係檳城白咖喱油麵，配料有豬紅、芽菜、白魚蛋、蝦仁等等。咖喱重椰汁味，加辣之後都唔算太辣，所以我哋連湯都飲埋。然後係檳城亞參叻沙米線。朋友話米線彈牙，配料豐富，不過湯底好辣，懷疑加辣加錯喺佢度😂但係都係好食嘅。另外就係佢哋特色嘅馬來西亞拉茶，飲落茶味無乜，多數係奶味同甜味。好大杯，女仔可能飲唔晒。