文記車仔麵 (福榮街)

Open Now

Now Closed

今日行完犀牛石山，夜晚朋友話仲想行埋嘉頓山，咁行之前我地就先去深水埗醫肚哪。深水埗其實真係好多又平又正既餐廳，行過見到好多人排緊隊，原來係文記車仔麵。反正我地唔趕時間，咁就排下試下有幾好味啦！文記特別之處係有好多粉麵既選擇，連少有既狗仔粉都有。除左車仔麵，連酸辣粉都有！朋友果碗有瑞士雞翼，通菜，魚肉，我就唔係好肚餓，嗌左通菜，蟹柳同蘿白。腩汁湯底唔錯，有少少甜甜地，特製辣醬好惹味！調味果到又係有勁多選擇，連醋都有分浙江紅醋同荔枝醋俾你揀，岩哂各種唔同口味既食客！