上海萬家村小館

Open Now

Now Closed

今日同朋友嚟到一間位於深水埗嘅上海舖頭，之前下午茶時間經過見到都想試，今日就一於試吓佢嘅晚餐。餐廳菜式選擇好多同朋友揀咗差唔多成10分鐘先決定到。 首先叫咗佢哋嘅招牌爆汁蟹粉小籠包 （$118/5）。而家秋高氣爽冇理由唔食蟹嘅產品小籠包一籠有五隻，包得夠實唔會一夾就散，仲可以夾住個頂影相打卡。材料都足嘅，算厚實。之後叫咗個醒胃涼拌前菜，叫咗怪味雞同埋鎮江餚肉雙拼（$80)。 各有四舊，賣相精緻，作為前菜啱啱好，微辣配上少少酸味幾特別。 另外叫左佢嘅招牌小籠包 一樣唔錯。 主菜叫咗個金銀炒鱔糊($128)， 呢個係咁多碟菜式裏面我最推介嘅，味道唔腥，肉質唔會散，調味啱啱好，具有唔同嘅口感，送飯一流。價錢嚟講亦都唔算好貴，性價比唔錯。 除咗主菜當然唔少得甜品。甜品嗌咗個高力豆沙 $52，呢個係我人生第一次食嘅上海菜，之後上網查先知係將蛋白打泡至企身，然後拎去摘搭配豆沙餡料，食落有少少似冬甩，但係口感又偏軟身，唔會太甜。 最後亦都嗌咗兩杯豆漿 $10，咩都唔會太甜，亦都有豆香。