Video
Read full review
2024-05-23
536 views
深水埗近年多咗好多有feel嘅小店，今次呢間餐廳有feel之餘，仲好抵食😍😍 依家叫份德國鹹豬手就送兩杯醉檸茶(全日任何時段都適用）。 🐷德國咸豬手 ($238)外脆內嫩，熱辣辣不得了，擺耐咗個外皮都仲脆，佢個芥末蜜糖醬都唔錯。不過個人覺得豬手調味啱啱好，唔會太咸，唔點醬都好好食了。🍋醉檸茶 以前都有飲過，呢個牌子嘅醉檸茶唔錯，少少甜易入口❤️ 酒味唔係太重，所以真係幾似飲緊檸茶☕️🍔迷你漢堡拼盤 ($138)豬手已經夠食，但見到隔離檯嗌呢個拼盤幾靚就忍唔住嗌埋。 佢有兩款漢堡：💠牛肉漢堡：幾juicy，食得出係靚牛👍💠雞柳漢堡：BBQ夠多嘅關係所以唔會太乾，甜甜地夠開胃。🍟拌碟見到係薯格已經好開心，仲要夠酥脆😋😋酸瓜仲專登切到🩷型。🧀芝士肉醬玉米餅 (牛）（L) ($108)玉米餅可以揀要🐮牛/🐤雞/🥬素食，朋友話肉醬揀牛先好食，果然重牛味再加埋其他配料唔錯，佢表面仲有啲辣椒粒，呢份微辣係越食越過癮 (但唔洗飲水嘅辣度）。呢度嘅玉米餅值得一讚，食咗一大半仲有好多料，而且底下冇醬嘅玉米餅仲夠脆。📣另外原來依家星期日至四夜晚4點-8點每人minimum叫一杯飲品🍸就可以享有指定食物半價，幾抵
深水埗近年多咗好多有feel嘅小店，今次呢間餐廳有feel之餘，仲好抵食😍😍 依家叫份德國鹹豬手就送兩杯醉檸茶(全日任何時段都適用）。
🐷德國咸豬手 ($238)
外脆內嫩，熱辣辣不得了，擺耐咗個外皮都仲脆，佢個芥末蜜糖醬都唔錯。不過個人覺得豬手調味啱啱好，唔會太咸，唔點醬都好好食了。
🍋醉檸茶
以前都有飲過，呢個牌子嘅醉檸茶唔錯，少少甜易入口❤️ 酒味唔係太重，所以真係幾似飲緊檸茶☕️
🍔迷你漢堡拼盤 ($138)
豬手已經夠食，但見到隔離檯嗌呢個拼盤幾靚就忍唔住嗌埋。 佢有兩款漢堡：
💠牛肉漢堡：幾juicy，食得出係靚牛👍
💠雞柳漢堡：BBQ夠多嘅關係所以唔會太乾，甜甜地夠開胃。
🍟拌碟見到係薯格已經好開心，仲要夠酥脆😋😋酸瓜仲專登切到🩷型。
🧀芝士肉醬玉米餅 (牛）（L) ($108)
玉米餅可以揀要🐮牛/🐤雞/🥬素食，朋友話肉醬揀牛先好食，果然重牛味再加埋其他配料唔錯，佢表面仲有啲辣椒粒，呢份微辣係越食越過癮 (但唔洗飲水嘅辣度）。
呢度嘅玉米餅值得一讚，食咗一大半仲有好多料，而且底下冇醬嘅玉米餅仲夠脆。
📣另外原來依家星期日至四夜晚4點-8點每人minimum叫一杯飲品🍸就可以享有指定食物半價，幾抵。（意粉、豬手、迷你漢堡拼盤、BBQ 豬肋骨、芝士條、Tacos 及腸仔拼盤除外）
Post
