川大哥

Open Now

Now Closed

位處黃竹街，深水埗站行過兩個路口，5mins就可以到到，裝修唔似一般川菜館，坐得好舒適，佈飾亦頗有格調，難得既係佢食物種類好多，不過用QR Code落單分哂類又幾OK，先揀火煱湯底(雞煲/酸菜魚等等)，可以話食得辣同想多肉既可以盡情辣又多肉，我自己就揀左酸菜魚，跟住可以揀火煱配料，又或者好似我講，揀小菜、揀串燒、錫紙燒等等，唔鍾意火煱底既又可以嗌烤魚，我見隔離枱修烤魚都鬼死咁香，好吸引下！黃金酸菜魚鍋(小)本來以為細鍋應該少好多，上到枱發現都幾多魚下，調味料又充足，嗌左鯛魚片，入口彈牙重味，提提大家，調味料愈煲得耐愈入味，我揀左微辣去到最尾食果時就Feel到都幾重辣味，正！雞軟骨完全係中國既味道，濃濃既孜然粉味道，配襯雞軟骨既咬口，又脆又軟，唔錯蒜香燒蜆用錫紙盆配合明火烘底，愈耐愈有味道，啲蒜多到好似唔駛錢咁，鍾意食蒜既人有口福了蒜香鴨血除左蜆之外，我仲嗌左個鴨血，又係厚重既蒜味配合明火錫紙，鴨血口感滑溜，血腥味淡淡，唔會一夾就散，好泡椒魚皮作為一個餐前小吃，佢絕對值得嗌返個，魚皮既彈牙度加上辣得滯果時用佢黎過一過口腔既濃味都係好好抄萵荀絲我一向鍾意食菜，呢個萵荀繼續比到大家驚喜，鍾意