Video
Read full review
2010-11-25
31 views
今年秋天，我食左幾間唔同日本食店嘅秋刀魚刺身，當中最難忘嘅除左銅鑼灣天喜之外，不得不提中環呢間Naozen。Naozen位於鏞記對面，店子外圍係低調平凡嘅石牆設計，未必吸引到熙來攘往嘅人群目光。但內裡原來絕不簡單，無論食物質素，格局裝修，服務態度等，絕對令人相當滿意。如其他日本食店一樣，侍應先送上前菜，一小碟菠菜、金菇及木魚絲，浸著涼快可口嘅清湯，既簡單又清新，感覺非常討好。唔知幾時開始，每次到有級數嘅日本餐廳，總會希望食蛋卷。呢度嘅蛋卷外表上雖然唔太企理，而且雪得較為凍左少少，但甜度同鬆軟度正是我最愛嘅果種，食得相當滿足。出色嘅秋刀魚刺身，必定魚味要夠甘香豐腴，肥美魚肉同魚皮銀光之間，要夾雜一層豐厚肥美嘅油脂，條件缺一不可。Naozen果然無令我失望，全部做到晒！秋刀魚腩部份更加係今次精髓所在，食落鮮嫩無腥，非常精彩。所以其他魚唔駛再叫，單一種秋刀魚已教我稱心滿意。 食過秋刀魚後，再試原隻北寄貝刺身。北寄貝鮮甜無比，肉身好厚，食落非常爽脆鮮味，尤其係邊位部份，咬落相當有嚼頭，無須蘸豉油都已經令人回味！呢度嘅自家製豆腐非常outstanding，豆腐軟滑而有濃郁豆香，無多餘嘅水份溢出，
如其他日本食店一樣，侍應先送上前菜，一小碟菠菜、金菇及木魚絲，浸著涼快可口嘅清湯，既簡單又清新，感覺非常討好。
唔知幾時開始，每次到有級數嘅日本餐廳，總會希望食蛋卷。呢度嘅蛋卷外表上雖然唔太企理，而且雪得較為凍左少少，但甜度同鬆軟度正是我最愛嘅果種，食得相當滿足。
出色嘅秋刀魚刺身，必定魚味要夠甘香豐腴，肥美魚肉同魚皮銀光之間，要夾雜一層豐厚肥美嘅油脂，條件缺一不可。Naozen果然無令我失望，全部做到晒！秋刀魚腩部份更加係今次精髓所在，食落鮮嫩無腥，非常精彩。所以其他魚唔駛再叫，單一種秋刀魚已教我稱心滿意。
食過秋刀魚後，再試原隻北寄貝刺身。北寄貝鮮甜無比，肉身好厚，食落非常爽脆鮮味，尤其係邊位部份，咬落相當有嚼頭，無須蘸豉油都已經令人回味！
呢度嘅自家製豆腐非常outstanding，豆腐軟滑而有濃郁豆香，無多餘嘅水份溢出，加上醬油、木魚絲、葱花及薑茸一齊食，絕對係人間美味，雖然索價要成百元一份，但仍然值得推介。
Naozen每季都會推出唔同而又有季節特色嘅釜飯，水準超然，所以絕對不容錯過。所謂釜飯，即係以砂鍋盛載著飯同食材，再用炭火慢慢蒸熟，近似廣東人愛食嘅煲仔飯，絕對係寒冬必食之選。 今次食到嘅係松茸釜飯香氣迷人，菇味雖然食落較清淡，但白米同上湯早已將松茸精華盡收，飯粒多添一份鮮味，食落滋味無比，加埋底部飯焦，更覺惹味。
順帶一提係Naozen嘅侍應非常有禮，好多細微服務亦做得非常貼心，值得其他食店學習。呢度收費唔算平，幸有好友請客，在此再說一次多謝。
Post
