Video
Read full review
2012-09-24
9 views
因為食過尖沙咀店, 所以hea翻同一個竇。 點之….好混亂。落單之後10分鐘先同我講無呢樣無果樣, 我其實心裡面有個熱情的沙漠。我地叫左生牛肉粉, 雞扒飯, 抄左個通菜。生牛肉粉 - 湯夠熱, 並非味精湯底竟然有用牛骨?!?! 唔怪得貴喇, 但就犧牲了味道, 因為成本問題所以湯唔夠濃, 老細太老實喇掛…粉質感一流是正宗的越南粉, 但就唔夠米香, 值得一讚的當然是香草, 係香港食越南粉好多只比thai basil而無culantro, 呢度有生芽菜, 青檸, 指天椒, 九層塔同culantro, 加分。牛肉滑但太瘦, 同埋太薄所以熱湯極速將牛肉滾熟, 扣分。整體是碗非常正宗的越南粉, 但始終不夠加拿大/美國的好吃(甚至澳洲) 。雞扒飯 - 有驚喜! 雞扒剛熟, 夠厚多汁, 料不是非常新鮮那種但肉質彈牙而且調味正宗, 好重的香料味; 飯比越南粉更有米香, 空口試飯清甜是高質的米, 諷刺, 飯比粉好。還有一隻弄得像日式洋食display的sunny side up, 難道你以為我是記者? 做乜呢個價錢會整得禁靚???通菜 -女士之選, 抄得偏辣而且蒜香十足, 略嫌不夠油, 聽說辣對皮膚竟然是
落單之後10分鐘先同我講無呢樣無果樣, 我其實心裡面有個熱情的沙漠。
我地叫左生牛肉粉, 雞扒飯, 抄左個通菜。
生牛肉粉 - 湯夠熱, 並非味精湯底竟然有用牛骨?!?! 唔怪得貴喇, 但就犧牲了味道, 因為成本問題所以湯唔夠濃, 老細太老實喇掛…粉質感一流是正宗的越南粉, 但就唔夠米香, 值得一讚的當然是香草, 係香港食越南粉好多只比thai basil而無culantro, 呢度有生芽菜, 青檸, 指天椒, 九層塔同culantro, 加分。牛肉滑但太瘦, 同埋太薄所以熱湯極速將牛肉滾熟, 扣分。整體是碗非常正宗的越南粉, 但始終不夠加拿大/美國的好吃(甚至澳洲) 。
雞扒飯 - 有驚喜! 雞扒剛熟, 夠厚多汁, 料不是非常新鮮那種但肉質彈牙而且調味正宗, 好重的香料味; 飯比越南粉更有米香, 空口試飯清甜是高質的米, 諷刺, 飯比粉好。還有一隻弄得像日式洋食display的sunny side up, 難道你以為我是記者? 做乜呢個價錢會整得禁靚???
通菜 -女士之選, 抄得偏辣而且蒜香十足, 略嫌不夠油, 聽說辣對皮膚竟然是好的, 加上少油, 怪不得這餐廳逼滿女生。(是餐廳的策略?) 菜本身較韌, 我自己是喜歡的。
總括來說是餐很豐富的晚餐, 亦很滿意它很正宗, 可惜的是飯比粉好吃。
服務態度唔差不過再感搞落去真係餓瓜D客, 因為唔止一臺搞錯野又落錯單。 Reception姐姐(阿媽話見到呀姨叫姐姐) 黑口黑面無招呼, 如果唔係之前食過我一定唔會入去, 係食完都想投訴佢果隻, 有兜口兜面影佢上youtube既衝動。
不過點都好喇, 最尾都有同經理講翻, 佢好醒目地送左杯lime soda比我下下火, 雖然青檸超薄, 但誠意可嘉, 算數。
Post