鐵板世家

Open Now

Now Closed

呢啲豉油王鐵板西餐廳，早已把有限嘅食材潛能推至極限，又鑒於港村對元素表嘅規限，佢哋只能喺服務份量裝修清潔鬥過不亦樂乎。最後我哋就係得益者啦。佢哋全部排都好腍，淨係攞1隻羹都切得開，入口即溶嘅感覺，使乜下下千千聲去食乜乜A8A9日本和牛啊。如果食是日午餐，只不過係少咗個鐵板上，仲平！仲要包餐茶！一個雜扒餐加$10意粉，都係130幾。兩個人分分鐘食唔晒70幾蚊一個人旺角鬧市乾淨企理冷氣夠凍。抵過上深圳。仲有熱辣辣嘅餐包唔使捱梳打餅。個咖喱我覺得有少少南洋風味食落個辛辣有少少pitch。