Video
Read full review
2017-07-18
4023 views
今日自製假期偏偏偶上傾盤大雨, 下午到銅鑼灣逛逛, tea一tea再去睇書之後就接朋友收工食返餐, 全日都冇離開過銅鑼灣。🙈 係Sogo join左朋友之後大家都未諗到食咩, 就過對面金百利睇睇, 派傳單姐姐介紹我地食麻辣派對, 仲話可以全走辣, 好奇心驅使下, 我地就上左去睇下食麻辣野可以點全走辣。😀上到金百利4/F見到餐廳嘅門口同我地預期好唔同, 超級新潮, 完全唔似中式菜館。😂入到餐廳入面更加誇張, 如果唔係枱面張餐牌寫住麻辣派對, 我地會以為入錯左間高級西餐廳。🍴餐牌上大部份都係香辣嘅菜式, 但係都可以揀少辣或走辣。因為朋友唔太食得辣, 我地原本想揀餐牌寫住走辣首選嘅黃燜雞鍋走辣, 不過店員推介我地試BB辣, 話會比較惹味, 咁我地就聽從專業建議, 點左BB辣黃燜雞鍋。我地另外點左店員推介嘅酸辣水晶粉同兩杯特飲。每一款鍋都有輔菜可加配, 我地加左肥牛, 茄子同有機花菜。水煮魚其實都好吸引, 唯有下次同嗜辣朋友來再點啦。😄避風塘橋底辣蟹$198咁抵, 我地原本打算叫埋, 好彩店員提一提我地呢間餐廳嘅份量都幾多, 再點我地未必食得哂。😂每張枱都有提供魔鬼辣椒粉, 我地當然冇虐待自己
上到金百利4/F見到餐廳嘅門口同我地預期好唔同, 超級新潮, 完全唔似中式菜館。😂
入到餐廳入面更加誇張, 如果唔係枱面張餐牌寫住麻辣派對, 我地會以為入錯左間高級西餐廳。🍴
餐牌上大部份都係香辣嘅菜式, 但係都可以揀少辣或走辣。因為朋友唔太食得辣, 我地原本想揀餐牌寫住走辣首選嘅黃燜雞鍋走辣, 不過店員推介我地試BB辣, 話會比較惹味, 咁我地就聽從專業建議, 點左BB辣黃燜雞鍋。我地另外點左店員推介嘅酸辣水晶粉同兩杯特飲。
每一款鍋都有輔菜可加配, 我地加左肥牛, 茄子同有機花菜。
水煮魚其實都好吸引, 唯有下次同嗜辣朋友來再點啦。😄
避風塘橋底辣蟹$198咁抵, 我地原本打算叫埋, 好彩店員提一提我地呢間餐廳嘅份量都幾多, 再點我地未必食得哂。😂
每張枱都有提供魔鬼辣椒粉, 我地當然冇虐待自己啦。😌
個黃燜雞鍋上枱時真係被佢嚇親, 超級大碟, 睇下隻匙羹就知。🙈 加配肥牛只需$58, 朋友話覺得肥牛仲多過其他配料食極都有。😂
黃燜雞鍋味道好惹味, 雖然已點左BB辣, 不過真係唔覺辣, 下次我可以點普通辣, 加配嘅茄子超入味, 我不停口咁揀哂d茄子食先。雞肉好嫩又夠入味, 半隻份量都好多, 3至4人叫一份其實都好夠分, 洋蔥好甜, 呢個黃燜雞鍋確係抵食。👍
黃燜雞鍋
45 views
0 likes
0 comments
酸辣水晶粉我地都係要BB辣, 呢個辣度假我覺得剛剛好, 唔會辣到流鼻水但又可以感受到少少辣味嘅刺激感, 水晶粉好滑好彈牙, 應該係呢度招牌菜, 隔離兩枱點水煮魚都有另加配水晶粉, 配埋花生一齊食, 又香又滑口感又正。👍
酸辣水晶粉
58 views
0 likes
0 comments
份量都唔少, 兩個人share每人都食到2, 3小碗。
酸辣水晶粉
41 views
0 likes
0 comments
特似我點左杯凍蜜語水果茶, 材料都好多, 有西瓜, 青檸, 橙, 火龍果等等, 而且唔會過甜, 唔錯。
凍蜜語水果茶
32 views
0 likes
0 comments
飽到捧住個肚走每人$200仲有找。😙
Post
