Video
Read full review
2023-03-04
121 views
而家暖返啲，好啱去淺水灣，早排周末去玩，喺海邊食完意大利菜，之後再去淺水灣酒店影相，嗰度環境超靚，歐式建築打卡一流，去之前決定醫肚先😛落咗小巴沿住淺水灣嘅沙灘行到The Pulse，就有好多餐廳，今次揀咗呢間意大利菜Fratelli 試！前菜推薦呢個Burrata流心芝士，好清新。意大利黑醋、爆汁蕃茄同埋烤得香脆嘅麵包非常之夾。麵包香氣同質地都好，我相信餐廳招牌嘅蒜蓉包都唔錯得去邊。大家可以試吓。龍蝦檸檬意大利粉龍蝦兩大件，肉質彈牙，醬汁少少膩，好彩有微微檸檬味平衡返。香草烤雞超級Juicy，一切開雞髀位就見到啲肉汁湧出嚟，份量好足，四個朋友share都冇問題，隱藏食法係將啲薯條點流出嚟嘅雞汁 🥰 士多啤梨奶昔好味，朋友嗌咗杯Rose wine，吹住海風望住沙灘，夠晒chill~ 微微嘅玫瑰色加上陽光斜斜哋咁照落嚟，好靚呢～
落咗小巴沿住淺水灣嘅沙灘行到The Pulse，就有好多餐廳，今次揀咗呢間意大利菜Fratelli 試！
前菜推薦呢個Burrata流心芝士，好清新。意大利黑醋、爆汁蕃茄同埋烤得香脆嘅麵包非常之夾。麵包香氣同質地都好，我相信餐廳招牌嘅蒜蓉包都唔錯得去邊。大家可以試吓。
龍蝦檸檬意大利粉
龍蝦兩大件，肉質彈牙，醬汁少少膩，好彩有微微檸檬味平衡返。
香草烤雞超級Juicy，一切開雞髀位就見到啲肉汁湧出嚟，份量好足，四個朋友share都冇問題，隱藏食法係將啲薯條點流出嚟嘅雞汁 🥰
士多啤梨奶昔好味，朋友嗌咗杯Rose wine，吹住海風望住沙灘，夠晒chill~ 微微嘅玫瑰色加上陽光斜斜哋咁照落嚟，好靚呢～
Post
