素食一家 (Closed)

朋友好耐無見，相約食飯聊天，大家都感到夏天天氣熱及近排多食肉，十分難消化。就選擇左呢間食素既餐廳。餐廳內環境有中國特色既擺設，坐位寬敞舒適。涼拌海蜇手撕雞($45) -海蜇都幾有彈性，同真既好似，加上芝麻青瓜，拌埋一齊，味道可口十分開胃。椒鹽金針菇($48) - 金針菇炸既火喉岩岩好，唔會太過火，有入口即溶既感覺。炸後加上少少椒鹽，適合份量令到炸完既金針菇更加惹味。又不會太咸。荷塘吐艷($108) - 呢個菜十分清新，全部都係蒸出來，最後在上面加少少芡汁，將冬瓜解暑既作用表現出黎，而且擺設精美相信下了不少功夫。紅燒竹笙素翅($88) -口感味道都同真翅一樣，既可以環保不用食真魚翅，但又可以品嚐到魚翅一樣既味道同埋口感。薑茶菊花($38)-見到好多人都有叫呢個薑茶菊花， 賣相十分吸引應該係佢吸引人叫佢既原因。薑茶味道稍淡，如果可以再濃D就更加好，此薑茶菊花好考刀功，如不好會令成個意境喪失。飲完後，又到同朋友離別既時間，相信好快我地又可以再出黎相聚食飯聊天。