Video
Read full review
2024-07-04
1804 views
近年好喜歡食精緻中菜, 早排車車約埋朋友仔一齊嚟到K11凱悅酒店入面既中菜館試下佢地夏日嘅新menu, 以椰子做主題嘅新菜式, 仲試左佢地嘅傳統招牌菜式, 真係令人大飽口福😋✨️蜜汁叉燒車車好中意食叉燒, 所以嚟到E到都特別點左嚟試下, 叉燒入口鬆軟, 邊邊位帶點脆口, 蜜汁包裹住整件叉燒, 完全無膩感, 車車都食左好多件✨️椰香紫米脆雞卷E款係其中之一道新推出既椰子菜式, 一試難忘!脆雞卷外層用左雞皮包裹住雞肉, 入面夾左紫米同蔬菜, 口感非常豐富, 沾埋用百香果混合而成嘅既椰香沙律醬汁, 再加埋開心果碎, 食落口感更清新, 超級推薦!✨️黃湯蝦籽扎蹄釀關東遼參E款係凱悅軒主廚既招牌嚟, 絕對係用心誠意之作, 單單係底下嘅黃湯, 製作程序已經好複雜, 而且同上好多材料例如雞、鴨、豬骨等得熬製而成! 遼參肥美肉厚, 入面釀左蝦膠再拎去炸,入口香脆彈滑, 配搭黃湯令鮮味更突出✨️西梅欖骨西梅欖骨係餐廳一款令人回味嘅傳統菜式, 每件都啖啖肉, 外層既梅子醬汁味道剛剛好, 唔會太甜帶點梅子嘅香氣, 非常好下飯嘅一道菜式✨️方魚炒芥蘭用左芥蘭最嫩嘅部分嚟製作, 食落爽脆無渣帶點咸香味!✨️鮮椰青肉菠蘿炒中
✨️蜜汁叉燒
車車好中意食叉燒, 所以嚟到E到都特別點左嚟試下, 叉燒入口鬆軟, 邊邊位帶點脆口, 蜜汁包裹住整件叉燒, 完全無膩感, 車車都食左好多件
✨️椰香紫米脆雞卷
E款係其中之一道新推出既椰子菜式, 一試難忘!脆雞卷外層用左雞皮包裹住雞肉, 入面夾左紫米同蔬菜, 口感非常豐富, 沾埋用百香果混合而成嘅既椰香沙律醬汁, 再加埋開心果碎, 食落口感更清新, 超級推薦!
✨️黃湯蝦籽扎蹄釀關東遼參
E款係凱悅軒主廚既招牌嚟, 絕對係用心誠意之作, 單單係底下嘅黃湯, 製作程序已經好複雜, 而且同上好多材料例如雞、鴨、豬骨等得熬製而成! 遼參肥美肉厚, 入面釀左蝦膠再拎去炸,入口香脆彈滑, 配搭黃湯令鮮味更突出
✨️西梅欖骨
西梅欖骨係餐廳一款令人回味嘅傳統菜式,
每件都啖啖肉, 外層既梅子醬汁味道剛剛好, 唔會太甜帶點梅子嘅香氣, 非常好下飯嘅一道菜式
✨️方魚炒芥蘭
用左芥蘭最嫩嘅部分嚟製作, 食落爽脆無渣帶點咸香味!
✨️鮮椰青肉菠蘿炒中地黑毛豬
另一道新推出既椰子菜式用左椰青肉去炒黑毛豬肉, 相當特別, 從未食過炒椰青所以特別驚喜, 食落爽嫩微脆帶陣陣椰子清甜同香氣, 配上肉嫩多汁黑毛豬, 整體清新不膩幾開胃! 另一個最難忘嘅就係炸椰果粒粒, 咬落去香脆多汁清甜, 唔覺唔覺就食左好多粒
✨️芋香椰子糕
外型有少少似反沙芋, 椰子糕加入左好多香芋,外層包住大量椰絲, 入口軟滑, 有粒粒芋頭, 甜度適中
✨️酥皮流沙盞
外型好似一個細細嘅菠蘿包放係蛋達皮上面咁, 新鮮熱辣辣, 入口帶奶香, 口感外脆內軟, 一啖一口, 不甜不膩
Post
