Chatterbox Express (Closed)

去太古城探朋友，順便下午茶。朋友話附近開咗間食星加坡過江龍，以海南雞為主打嘅餐廳，於是就試吓。本來想試吓佢哋嘅招牌海南雞餐，但發覺原來下午茶價錢同午餐一樣要$108，覺得唔係好抵，詢問店員最多人揀嘅下午茶係啲乜嘢，竟然係呢一個迷你雞絲湯米線+多士包及半熟蛋，連飲品都只係$58，份量好足。雖然比起肉骨茶同海南雞唔算十分地道，但朋友本身唔食味精，偏愛健康口味，佢話個米線清清地，好啱唔好重口味既喜既人。個半熟溫泉蛋好滑，佢仲會俾埋海南雞豉油同胡椒粉你調味，相信係附近街坊同OL嘅首選。我自己就揀咗個鹹蛋黃雞翼（4隻）重配左杯玫瑰玫瑰我愛你。個鹹蛋黃雞翼好惹味，蛋黃汁亦足夠，不過就比較油膩。