豬小姐

Open Now

Now Closed

喺水邊圍呢邊有好多間食店，呢間豬小姐我食左好多次。最初食佢係食豬雜河，不過隨住年紀漸大都知道自己唔可以咁任性成日食豬雜，怕膽固醇嘛。不過呢度除左豬雜好食仲有其他野好食，平時會食溏心皮蛋芫茜肉片湯米或者無骨燒鴨湯瀨粉，今次試個手打鯪魚球紫菜湯米粉，個鯪魚球又幾好食，有d蝦米粒再加左d胡椒粉調味，都幾香㗎，而個湯都係清清地，又有少少菜，呢個都唔錯。另外加左個麻辣豬耳，呢個唔會太辣，豬耳亦都切得夠幼方便食而且佢辣辣地都幾惹味。份量雖然唔算多，不過少食多滋味嘛！