豬小姐

Open Now

Now Closed

最近聽朋友介紹元朗的豬小姐，原來是一間專賣粉麵和米線的食店。我特意去試了他們的無骨鴨肉湯瀨粉，價格是55蚊。湯底非常鮮甜，搭配的蘿蔔也增添了不少風味，讓我一口接一口，真的好有衝動想再叫多一碗！最後，我還買了一瓶辣椒油帶回家，雖然價格有些貴，95蚊，但試過後覺得真的不錯，香氣濃郁，辣度適中，正好可以用來提升其他菜的味道。整體來說，這次的用餐體驗相當滿意，豬小姐的粉麵讓我對這家店留下了深刻的印象，期待下次再來嘗試其他美食！

長假期的一個下午，好好彩唔使等位直接入去。店內很少位置，中間一張4人，兩邊一張2人枱（唔記得影相），食飯時間可能要排隊😲今次第一次食，試咗飯腳推薦既燒鴨瀨粉，每人一碗。佢話師傅會整返同幅相一模一樣既成品出黎，每次都係（自行參考相片😚）見到師傅行入去煮，落order唔夠5分鐘，出到一碗，再碗3分鐘又另一碗。見到真係整到同幅相有9成😲。心諗以為咁快，會係hea整。試左一啖湯，好清甜而且好夠熱，瀨粉都係爽身，冇啤水啤到林晒咁。 鴨肉薄身，肉唔太鞋，蘿蔔超級林甜👍🏻👍🏻👍🏻最後連湯都飲晒品嘗呢碗麵時，會感受到師傅既用心準備，蘿蔔既林甜，湯既清甜，麵既溫度，都令食客好滿足。價錢是可接受的程度，份量對女生黎講剛剛好，男生可以差少少。有機會試試其他菜單，會encore。

豬小姐響元朗人到就出晒名既~出名係咩? 就係佢既態度同野食 ~食過都算好多次  但次次都會聽到/受到佢老闆娘既氣最記得有一次 打去問佢有無開我:HALO,想問今日有冇開呀?佢:聽得你電話,當然有開啦!!!(我都未回覆到佢) 電話已經嘟...嘟...嘟...嘟.... 但話雖如此,佢野食水準真係好好味個湯底有少少甜,蘿蔔好入味 無渣,仲好甜河粉好滑 燒鴨好味如果價錢 唔好講 , 份量都唔好講 仲有態度都唔好講既話~ 佢一定定係好好味既一間餐廳~ 受得氣既一試無妨 唔係就自己衡量下,因為依間餐廳從來都無人話佢唔好食 只係有人會講態度

今日同老婆經過 聽朋友介紹話呢間好好食😋就入去試下 坐低後看到餐牌上食物價錢略貴🤔叫左1碗豬什河粉 1碗燒鴨瀨粉同老婆share食 食物質素還算可以😌同系大陸食d豬什差唔多 但河粉夠滑 湯底都正 但個人認為性價比麻麻 唔值呢個價錢🤔

店舖超級細，最多只可容納10人，但食物新鮮有誠意👍❇️皮蛋芫茜肉片湯米粉🌀芫茜控一定要食，材料充足，有好多芫茜同肉片，湯底超級鮮甜，又濃郁，好好飲，冇味精👍❇️豬雜撈麵🌀豬雜份量多，而且清洗得好乾淨，爽脆不腥，味道鮮甜👍加左一個紫菜，甜甜地，好好食👍❇️紅棗杞子醉豬手🌀豬手浸得好入味，有酒香，充滿骨膠原😄

主打生滾豬雜河粉😋入邊有成9款豬的內臟，每一款內臟都好清新，望得出及食得出是很清潔！完全冇內臟嘅腥味～～～再加埋個秘製湯底，味道清甜但又食到濃濃的豬汁原味，好少見的豬內臟為主打食店～喜歡的朋友仔可以一試，惟價錢相對偏高，但我認為都值得一試🤭😋

豬小姐（元朗）呢間餐廳好出名食豬雜係一間家庭式經營嘅小店店舖只有大約十幾個座位但每碗粉麵都用心製作味道完全唔簡單因為之前成日食豬雜所以今次就無食到無骨燒鴨湯河粉（$50)湯頭超清甜河粉好薄好滑不過鴨肉唔多只有幾塊男士可能唔夠食但每塊鴨肉都非常嫩滑薄薄一片都食到層皮嘅香脆同鴨香味而附上嘅蘿蔔亦都超入味絕對值得一試皮蛋芫荽肉片湯河粉（$70)湯底依然非常鮮甜因加加入左大量芫荽同肉片所以非常濃郁芫荽控一定好鍾意香辣豬耳（$50)豬耳好爽脆亦都非常入味有好香嘅麻香味咸咸辣辣再點埋花椒油同豉油味道再有所提升食到停唔到口不過份量就較少價錢稍貴

小店位於朗屏附近，店內地方唔大，有3-4張枱左右，主打豬雜同埋去骨鴨瀨粉，食材新鮮，秘製湯底。家庭式營運，營業時間好短(12-6PM)，唔做晚市，好似唔憂做咁~🐽 生滾豬雜瀨粉 $60★★★☆☆本身係跟河粉，但轉左配瀨粉，份量唔多，男仔食黎講唔夠飽，作為下午茶份量就岩岩好。瀨粉夠爽但比較短、散，湯底偏重胡椒味，個味道似平時海南雞例湯，如果以秘製湯底，熬左5小時，真係好失望。豬雜份量正常，食落新鮮爽脆唔會有腥味或者騷，豬肚、豬粉腸、豬膶、豬肉、豬腰都唔錯。🐽 無骨燒鴨湯瀨粉 $50★★☆☆☆一上枱呢碗份量比生滾豬雜瀨粉仲細D，食完都唔太有飽嘅感覺。得5塊燒鴨肉片，雖然去左骨係好方便，但太薄一片，食落冇咩口感可言，唔覺有特別，如果有酸梅醬會加分。除左鴨片仲有兩舊好深色嘅蘿蔔，煮得太入味，雖然冇楂，但非常之咸同甜。重點係個湯底，一入口初頭有少少清甜蘿蔔味，但之後就係死甜味，似關東煮加左好多糖嘅感覺，個人唔太識得欣賞咁甜嘅湯底，亦都唔覺襯。🌟總括：不推薦無骨燒鴨湯瀨粉，生滾豬雜瀨粉正常，但可能叫河粉份量會多啲好D，豬雜係可以既，超碼乾淨爽脆。

2個人，2碗麵共$160 左右今日 去咗接老公收工， 然後我又要趕住去返學又係元朗附近lala 臨搵間嘢食因為喺5:30-6點左右， 嗰頭附近好多鋪頭先啱啱開埋晚市。見到豬小姐有開，就坐入去老實講地方淡窄。佢主打新鮮食材， 但由於我實在唔太鍾意食太多內臟， 揀咗燒鴨撈蝦子麵 $70有啲唔捨得因為嗰份嘢唔係太多， 70蚊都覺得有少少貴， 實在食唔飽😶但 🌟🌟令我驚艷嘅係隔離嗰個碗小湯🌟🌟真係好好味嗰款湯仔🤤然後老公 嗰碗係 豬雜河， 湯底都好鮮甜， 佢話啲肉都好新鮮。（ 可以去睇返佢個食評😂） 佢推介咗個 辣椒醬叫我試下， 平時食得辣既我，少少都覺得勁辣。😅老公食咗勁多，係勇者 ，唔怕爆菊😂♈

附近上班，有時候都會來吃午飯。老婆好少入元朗，今次來接我，不過因為趕時間無辦法帶她食好野，所以今次和老婆來食個快晚餐，等老婆放心知道我平時食午飯都唔會對自己太差老婆叫了這個鴨胸撈麵，我以前都未叫過，無辦法啦，個量實在太少，我午餐食玩怕要去隔離7仔整個麵包先夠飽。味道有點濃，鴨幾好味就真。豬雜河粉，基本上我每次都叫呢個，每樣都比少少，對選擇困難的我係最好的選擇。個湯每次我都會飲嗮，調味真係唔錯，冬天來一碗就梗好了。鍾意吃辣的朋友，個辣椒油我誠意推介，香辣鹹最後呢個價錢食碗麵，比老婆知我原來這麼奢侈決定叫我以後帶午飯。。

兩人去食，我點了無骨燒鴨瀨$50，得5片薄薄的燒鴨肉，兩件極甜的加了不少糖的白蘿蔔，湯底極重味精，份量偏小，幸好當下午茶。朋友叫一碗豬雜撈麵，$90每樣餸得一件，做法很普通，不值得推介，冇下次。

因為疫情, 好耐冇出去食老公今日買咗碗豬小姐返嚟好正呀 ! 實在太耐冇食過雖然張相影得唔好睇但係都要記錄一下佢嘅味道水準keep住冇變！ 一樣係元朗入面, 數一數二既豬雜呀 ❤️好想快啲疫情過去要堂食呀！ 要堂食呀！ 🤤🤤🤤

發現正野，近水邊圍村有一間叫「豬小姐」是食豬什米和無骨鴨瀨出名，好味到我地連湯都飲埋，我叫左無骨鴨加豬潤，湯底有藥材味，又香又清甜，另一碗豬雜什面，清甜和帶有少少蝦味(但唔知有無放蝦）聽講話湯底是煮左5個小時以上😛😋😋，2碗合共$145😅，埋單唔太平

都有一段時間沒有來過豬小姐🐷之前去都可能是吃午餐，這次碰巧路過又不太飽，因此去了某間豬扒飯，都要走出來，再想想吃什麼好，於是就到了豬小姐。豬小姐的選擇也大致都是那些，沒有什麼變化。🐷還是點了個豬雜河，豬雜的種類也是主要是粉腸、豬肉、豬膶、豬肚。豬肉片沒有什麼特別；豬肚夠爽夠乾淨，味道沒特別；最好吃就是豬粉腸，外皮夠爽，內裏夠綿，但質地夠粉之餘，內裏有充滿香濃的酒香，確是難得。🐽🐷豬雜湯就是非常之清香，又甜又香濃的豬雜湯，河粉普通，不算太過爽口彈牙，沒有什麼特別。50多元一碗，份量不太多，吃完沒有兩小時就有點兒肚子餓，確實也不能說大件抵食，但為的就是他的豬雜夠乾淨，以及湯底，清甜。

叫咗個粉腸鮮牛河粉講講食材先，食材無可厚非係好新鮮~所以可以理解佢，份量方面比較少既好啦，講下個湯底，第一啖飲落去，甜既？唔好誤會，唔係鮮甜既甜，係落咗糖既甜咩事，成碗嘢浪費曬....哎！食完之後滿口味精，要狂飲水！💰55蚊呢個價錢我可接受，不過個湯底原因所以無下次！