牛氣沖天清湯腩專門店

Open Now

Now Closed

放假天，例牌的接送服務丶換床單、清潔龍貓籠、洗衫等等……… 做完一堆家務都不想再動。中午時間，當然去附近食飯(醫肚)。近近地去了食牛腩的專門店，元朗的牛氣沖天清湯腩專門店有各種清湯牛腩牛筋牛三寶金錢肚等等，牛控必到的地方。價錢實惠，足料，人均消費$150左右。淨清湯牛三寶$78（牛腩、牛筋、金錢肚）牛腩有口感得來煙靭軟熟。牛筋本來是一個比較結實的部位，但餐廳都煮到軟腍味香，咬口佳。金錢肚Q彈柔韌。淨鮮蝦雲吞$46 雲吞皮炸到脆卜卜 ，足料，蝦肉多，啖啖肉感，滋味在心頭。炸雲吞$38 炸魚片頭$38炸墨丸$38餐廳的炸物，火候好到位。無論炸雲吞 、魚片頭、還是墨丸，最外層都是金黃色。炸雲吞，足料，味道好。魚片頭有彈性，有口感得來，滿滿魚肉香味。清湯蘿蔔$18清甜好食，無筋無渣，鮮甜美味。