Mamasita's Cantina (Closed)

Guacamole Dip (set lunch ~ Para Empezar)*Vegetarian choice* 原本同朋友諗住唔駛煩，諗住點一樣嘅野，但係chef極力推薦下，前菜另外點咗Guacamole Dip，其實係咩黎嫁😂😂我唔知呀，不過咩都試下啦！左面係一塊塊三角形，有啲似印度烙/烤餅嘅野，右面係一碗綠色既杰但又有啲creamy嘅野！試下先！與其話似印度烙餅，係淨係個樣似，口感味道一啲都唔一樣！食落真係卜卜脆，有啲啲鹹，配落啲醬食，成個味道中和晒！啲醬好明顯係牛油果（梗係啦⋯廢話），配上粒粒大大粒嘅蕃茄，再黎啲洋蔥同少量辣椒，食落我就覺得好清爽同奶滑嘅口感，牛油果味唔係話太強太濃烈（唔食牛油果嘅人可以試下），避都避唔到嘅蕃茄同埋洋蔥，擺明要你感受清爽嘅感覺；奶滑滑又爽嘅醬料搭上鹹而脆身嘅三角粟米餅，又幾襯哦😂✨雖然menu寫有少量嘅white truffle oil，但我又唔太食得到（其實係咩味嫁🙈）原諒我有食神嘅胃，但無食神嘅味蕾啦🙊如果有人唔食truffle嘅，就應該唔駛太擔心，可以放心點依個試試。