薄荷葉泰國菜

Open Now

Now Closed

元朗而家好熱鬧，選擇性又多咗，今日經開圖書館，望到對面有間食泰國菜，我同老公就入去食嘢。外面都有座位，夜晚同朋友飲嘢傾吓偈都唔錯。清邁蕉葉燒魚放上蕉葉嘅馬友魚，先淋甜豉油，再落青檸汁，附加一碟泰式辣醬，馬友魚唔多骨，好多肉，肉質好滑，啱晒唔識食魚嘅我，之前落咗嘅調味，食落酸酸甜甜，我再沾一點泰式辣醬，食落更野味同開胃。泰式生蝦刺身生蝦肉質爽口，蝦上面嘅醬汁同碟上面嘅醬汁係唔一樣，夾埋一齊食之後味道係泰式酸辣，都算辣但多咗一層香草味，佢嘅蝦係新鮮嘅，唔係冷藏蝦，所以口感更彈牙，食多6隻都可以。炭焼牛小排炭燒半生熟牛小排，唔會燒過龍，每片細細片，唔會覺得膩，口感滑肉味濃，配以兩款調味，可以沾泰式醬或一點點鹽，更感風味。Apple Somersby有汽蘋果味嘅飲料，蘋果味道清新，成支插入個杯，多冰超級夠凍，食辣野就啱晒。椰青好大個椰青，入面滿滿清甜椰水，又夠凍又解渴。