小南國 (Closed)

本來係想去食煲仔飯既，但人實在太多，等唔到啦，所以轉軚。朋友問我想食乜，我就諗起小南國。去過幾間分店，最鍾意北京道1號呢間既環境，夠寬敞，又夠靜，所以久不久都來 每次來都見到餐牌有新菜式，咁先有新鮮感食唔厭 有呢個新既小食，個樣好得意，冷盤黎，外面據職員所講係豆腐皮，入面係薺菜。其實我唔知薺菜係咩味，但試過唔太啱我 有陣怪怪地既味，加上凍好怪，可能我食唔慣啦！朋友都唔太受，所以要麻煩侍應收走佢 小籠包今次無咁juicy，不過一樣皮薄！次次都會叫 我好鍾意食呢個稻草肉，黎2次大概會點1次，因為佢半肥瘦加上醬汁，包住個包仔特別夾！ 呢味雲耳滑斑塊，係夠滑，不過有啲腥，好彩個汁搭救，未至於食唔到，但有少少失望呀！ 甜品有酒釀桂花水晶湯圓，好好食！ 好清甜，又唔漏！ 至啱我呢啲成日叫住減肥既人，食左無咁內疚 朋友點左南瓜餅，我都食左件，新鮮整起又香口又唔太甜 同朋友食飯最重要係坐得舒服，傾下偈又唔會催人走，真係一個好既落腳點！ 下次睇下又有咩新嘢食先！