PizzaExpress (Closed)

今朝早同朋友喺the one行完街，行完都有啲攰，所以就決定搵間地方食下野，坐下。所以就去咗pizza express食個休閑的午餐。我哋兩個女仔都鍾意食沙律，諗住食啲沙律可以清下腸胃，又健康啲。所以就叫咗個雞肉凱撒沙律。麵包粒都好香脆，沙律菜都好新鮮，配上惹味嘅沙律醬汁，好清新嘅感覺。上面嘅烤雞唔會有好多調味，所以都幾健康。另外我哋都叫咗個健康嘅松子仁意粉，意粉炒得好香口，令外有啲松子，食落去清淡得來又有啲口感。佢仲有啲蕃茄仔同香葉，所以香料味好重！