老爺點心 (Closed)

今天午餐的地方，是位於戲稱「難度街」既蘭杜街內。　　呢間老爺點心，其實之前都食過幾次，本來都唔錯，午餐有點心、飯、飲品。今天再次到來，發覺佢地午餐又要新既改變。午餐一般７８元（不包飲品），有幾款蒸飯、同埋令我醒一醒既黯然銷魂飯。睇過《食神》呢套戲都會知道，黯然銷魂飯其實即係叉燒飯上面加隻煎蛋。既然你用得呢個名，我就叫呢個餐黎會一會你！　　等咗一陣，個飯就黎咗，係用一個碗裝住飯，上面有約７至８塊叉燒，再加上一塊煎蛋。第一個感覺係個飯唔算大，叉燒而言，我覺得太瘦，煎蛋方面，見佢蛋白係燈紅色，似係用日本既靚蛋，但我覺煎得略熟。雖然份量不大，但我都無食晒啲飯，真心覺得要減肥黎食呢個飯係好選擇，因為一定唔會食晒。以CP值來計，７８元真是過貴，我明既，生意難撈。　　一碗靚既叉燒飯，我覺得要用半肥瘦叉燒，煎蛋不可太熟，重點係用甜豉油，真不知道在那裡可以食到了！