Video
Read full review
2020-05-03
374 views
趁住長假期前夕同朋友嚟馬灣沙灘行下，一場嚟到索性喺度食埋晚飯，放眼望去大部份餐廳都冇開，最後揀咗呢間主打地中海菜嘅西餐廳。餐廳以藍白色為主，牆上襯托上Santorini嘅風景，配上藍框窗，好有渡假嘅感覺。連餐枱都由唔同形狀嘅磚塊拼成，設計同顏色都好有異國風情。餐廳對出就係馬灣沙灘，望住汀九橋嘅景致，令人感覺特別放鬆。餐廳食物選擇豐富，除咗一般常見嘅西餐菜式之外，仲有唔少富有地中海特色嘅食物。食地中海菜當然唔少得鷹嘴豆泥，呢度嘅特色泥蓉有四款味道，分別加入紅椒、核桃、茄泥、酸奶、芝麻醬同檸檬汁等做成唔同嘅組合，係非常健康嘅素食選擇，食用前撈勻橄欖油，入口口感非常順滑，用伴碟嘅青瓜同蘿蔔沾上豆泥嚟食，感覺清新，非常適合作為前菜，同朋友暢談時作為零嘴係唔錯嘅選擇。除咗青瓜同紅蘿蔔條之外，豆泥仲可以配搭彼得包，全麥嘅彼得包輕輕烤過，有淡淡的麥香，揸上豆泥同樣過足口癮。Main dish我哋揀咗同樣係signature dish嘅地中海薄餅，薄薄嘅批底又香又脆，加入feta cheese、茄子、紅蔥、青椒、雅枝竹、洋蔥、蕃茄同橄欖，感覺清新，食多兩件都唔怕膩。雖然薄餅主要嘅材料係素食，但材料多，
餐廳以藍白色為主，牆上襯托上Santorini嘅風景，配上藍框窗，好有渡假嘅感覺。
連餐枱都由唔同形狀嘅磚塊拼成，設計同顏色都好有異國風情。
餐廳對出就係馬灣沙灘，望住汀九橋嘅景致，令人感覺特別放鬆。
餐廳食物選擇豐富，除咗一般常見嘅西餐菜式之外，仲有唔少富有地中海特色嘅食物。
特色地中海四式泥蓉配彼得包
$168
8 views
0 likes
0 comments
食地中海菜當然唔少得鷹嘴豆泥，呢度嘅特色泥蓉有四款味道，分別加入紅椒、核桃、茄泥、酸奶、芝麻醬同檸檬汁等做成唔同嘅組合，係非常健康嘅素食選擇，食用前撈勻橄欖油，入口口感非常順滑，用伴碟嘅青瓜同蘿蔔沾上豆泥嚟食，感覺清新，非常適合作為前菜，同朋友暢談時作為零嘴係唔錯嘅選擇。
特色地中海四式泥蓉配彼得包
$168
7 views
0 likes
0 comments
除咗青瓜同紅蘿蔔條之外，豆泥仲可以配搭彼得包，全麥嘅彼得包輕輕烤過，有淡淡的麥香，揸上豆泥同樣過足口癮。
特色地中海薄餅
$128
8 views
0 likes
0 comments
Main dish我哋揀咗同樣係signature dish嘅地中海薄餅，薄薄嘅批底又香又脆，加入feta cheese、茄子、紅蔥、青椒、雅枝竹、洋蔥、蕃茄同橄欖，感覺清新，食多兩件都唔怕膩。
特色地中海薄餅
$128
15 views
0 likes
0 comments
雖然薄餅主要嘅材料係素食，但材料多，味道層次豐富，加上口感細膩而且帶酸味嘅feta cheese，令人食慾大增。
可惜朋友揸車泊咗喺荃灣，假如能夠小酌一杯就更好。整體嚟講餐廳嘅食物唔錯，喺石屎森林中生活得耐，間唔時嚟呢個城市綠洲休閑一番都唔錯，下次一定要摸下酒杯底chill一chill！
Post
