媽咪雞蛋仔

Open Now

Now Closed

媽咪雞蛋仔依間主賣創新主意嘅雞蛋仔店舖，連續4年獲頒發米芝蓮香港街頭小食。依間嘅雞蛋仔出品比較有多元化口味、份量大、好足料、即叫即做，款款捧上手都仲熱辣辣，食落夠飽滿，外層脆口、內層鬆軟，餡料好多。紫薯蕃薯雞蛋仔，依個係因應依家嘅季節，推出左新嘅冬日口味之中嘅其中一款，雙薯雞蛋仔入面有新鮮紫薯泥、蕃薯粒， 口感綿密，甜度適中。芝士雞蛋仔，芝士帶些鹹香，雞蛋仔做鹹食都唔錯，夠曬「芝」味。伯爵茶朱古力雞蛋仔，伯爵茶味道濃郁，表面仲睇到有少少茶葉碎，係採用左Twining伯爵茶，連埋朱古力食，味道就無咁單一。抹茶紅豆雞蛋仔，抹茶味道清香，仲會有少少抹茶清澀味，紅豆嘅加一令味道中和左。鮮榨檸檬水類似Lemonade，味道清爽，酸度有6.5分左右。鮮榨檸檬茶嘅檸檬味比較出，茶味濃厚但都有微苦澀，但飲落超易入口，依度嘅檸檬飲品不得不愛。