媽咪雞蛋仔

Open Now

Now Closed

第一次食灣仔分店，　亦只會係唯一一次！第一餐，感覺無咩特別，偏甜。食完之後行街，期間無再食過其他野，結果行行下肚痛，要搵toilet 肚痾（慘），感覺好唔衛生。無諗過雞蛋仔都可以出事囉。而且個阿婆勁無禮貌，又慢吞吞。好似自己係老人家就大曬甘。好心一個人搞唔掂就請多個人幫手啦。感覺佢搵客發脾氣。條隊排到勁長，等勁耐，其他分店好好多。雖然灣仔我估應該係加盟店，但總公司係咪都應該監察一下分店嘅員工質素速度同埋出品呢。

想食咸嘅雞蛋仔，於是就選擇咗較邪惡嘅黃金雞蛋仔！佢嘅包裝方便拎之餘，仲令雞蛋仔保持脆卜卜質感，唯一係拎住行果時驚突出部分會有塵痴到😂黃金口味同外面食嘅黃金炸xx類嘅味道有啲出入，佢係無咁咸，反而食到較多咸蛋黃原味🤔有少少同預想唔同。不過雞蛋仔整得外脆內軟係一流嘅水準👍每粒咬落去都有聲，又有𡁻口，認真佢個雞蛋仔基本功做得好好。

由細到大都最鍾意食雞蛋仔同格仔餅，但係要整得好食，一啲都唔容易！粉漿調校要啱啱好！甜度要適中！今日食咗呢一間媽咪雞蛋仔佢哋嘅分店開到全港九都有！暫時係我食過以來最好食嘅一間

食晏時間經常特登嚟買格仔餅，貪佢水準夠穩定，每次食都一定外脆內軟，醬料夠得嚟又唔會多到滴到成手/周圍都係，牛油有咸香味，配埋花生醬、煉奶同沙糖，食到唔想停，如果唔係胃口細，會想食多底雞蛋仔，不過大家要預咗要等一陣冇咁快，店面通常得一個人做晒落單收銀同整嘢食

灣仔的這家店比較隱蔽，但是很多顧客，生意挺好的。雞蛋仔都是現做，大約要等兩分鐘，剛做好的雞蛋仔外脆內軟，真的特別好吃，一份的份量也夠大喜歡甜食的小夥伴們一定要試一下，原味只要20，很大個，加20可以配兩個冰淇淋球和配料。鹹的和甜的口味都有店裡的老太太很好，我拿雞蛋仔沒拿穩掉到了地上，於是她又給我做了一份，我堅持再付一次錢她也不讓，真的好溫暖，也許這就是「媽咪雞蛋仔」真正的意義吧！雞蛋仔包裝很精緻，拿著也很方便，放了十多分鐘還是很好吃😋

舖仔勁細，只可以企到兩個人，但枕住枕住有人來買，今日試咗伯爵朱古力，唔錯，好脆，又堅有茶味，姐姐跟足程序咁做，雞蛋仔出爐後再吹風扇，好花時間又落足心思！下次一定會試其他味♥️

Chocolate Chips Egg Puff 🍫🥚📍: Mammy Pancake (Wan Chai)Shop D2, G/F, 181A-181G Wan Chai Road, Wan Chai💰 : $25⭐️ : 7.8/10Review : Whether you are looking for something sweet or crispy for your snack/dessert, this egg puff would satisfy your appetite 🤤 Affordable, sweet, crispy and quite fulfilling, this is it 💓 I buy their chocolate chips egg puff, and they put in loaded chocolate chip! Make sure to eat it while it is hot! 🤩☺️

次次返學都會食一底原味格仔餅先上堂😂食左咁耐，質素完全無變，外脆內軟，係軟綿綿又煙煙un un，仲要每次都叫婆婆「多醬」😂😂食過咁多種新口味，始終都係原味最好食，最夾啲煉奶，花生醬，牛油，砂糖🤤

N次回訪媽咪雞蛋仔，因為每次呢度嘅雞蛋仔水準穩定，唔會有時好食，有時淋過毛巾😂灣仔店有呢間分店獨家—「香橙朱古力雞蛋仔」，因為我好鍾意食積及朱古力橙餅，呢個combination好想試！雞蛋仔即叫即整，大約等咗五分鐘左右。==============================香橙朱古力雞蛋仔 $32雞蛋仔新鮮整好熱辣辣香噴噴！外層薄脆，內裏大概半粒filled，鬆軟蛋糕狀態夠濕潤，做到外脆內軟。入口有橙香蛋香，朱古力半融狀態，而且比例幾好，唔甜膩嘅關係唔會食幾粒就漏🤤==============================媽咪雞蛋仔 (灣仔)📍灣仔灣仔道181A至181G地下D2舖

之前同朋友行街嘅時候佢買咗個雙重芝士雞蛋仔分比我食少少試吓，一試我就愛上所以今次經過即刻買返一底自己食。因為要keep fit嘅關係所以我食野都好節制，好少會食到停唔到口，但係呢個真係不得了，本來食完正餐嘅我竟然係半個鐘內忍唔住自己K.O.左成底。肉眼可見真係落咗勁多芝士，非常足料，芝士控表示真係滿足晒！雙重芝士流到出晒邊都有，油香四溢，食落去又有鹹味又有甜味，兩個胃同時滿足，簡直係夫復何求。咬落去仲要啖啖都食到芝士，味道恰到好處，食到蛋香；而且絕對唔係食空氣，口感煙煙韌韌，佢絕對係重燃左我對雞蛋仔嘅愛。能夠將傳統小食融合新口味但係又做得咁高質素真係唔簡單，而且keep住買咗幾次都係一樣咁好味，證明質素keep到，唔怪得咁出名開咁多分店！不過由於雙重芝士實在太好味所以我encore左好多次，之後要試吓其他味先得！

唔講草根都唔知，媽咪雞蛋仔出咗意想不到嘅建議食法。將雞蛋仔放入冰箱Frozen🧊，最長可以放到3個星期左右⏰，想食嗰陣喺冰箱拎返出嚟焗熱佢🤣，就隨時都可以喺屋企享受到熱辣辣嘅雞蛋仔😌。.📍伯爵茶朱古力雞蛋仔（$30）Earl Grey Tea & Chocolate 雞蛋仔岩岩新鮮焗起就聞到好香嘅茶味👃🏻🍵，賣相好靚仔，雞蛋仔粒粒挺身飽滿有光澤❤️，外面焗得脆身👅，中間口感仍然富有彈性。雖然加咗朱古力粒做餡🍫，不過伯爵茶底嘅味實在係太突出，基本上overpower咗朱古力😳🌿，味道上冇平日食開嘅朱古力味咁甜，但味道依然喺唔錯✨。.配埋清爽嘅鮮榨凍檸水（$20）🍋🌿，令雞蛋仔食起嚟無咁甜膩🤟🏻😌。

#為食妹日記 #瑩瑩周圍食 #地道小食.香港地道小食名單其中之一【雞蛋仔】家下雞蛋仔越出越多味道，多到試唔哂😆。我哋今日去媽媽雞蛋仔食雞蛋仔，佢地出名好味之餘仲多花臣。.抹茶🍵紅豆雲呢拿雪糕雞蛋仔🥚雞蛋仔加埋雪糕，兩種我最喜愛嘅食物擺埋一齊喜愛程度🆙🆙🆙，抺茶味好香濃，咬落仲有大大粒紅豆，而且紅豆都唔少，每一粒雞蛋仔都有紅豆。.鮮榨檸檬水🍋行到身水身汗飲返杯凍果汁真係好爽，酸酸甜甜好快就飲完一杯🥤。.我已經鎖定下次要食榮華臘腸雙重芝士🧀雞蛋仔😂。.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 媽咪雞蛋仔 (灣仔)📍灣仔灣仔道181A至181G地下D2舖

喺灣仔食雞蛋仔, 我通常會去米芝蓮推介嘅 媽咪雞蛋仔, 呢度經常好多人幫襯, 連外國人都嚟排隊！即叫即做, 每件都新鮮泡製, 今日就試咗佢嘅雪糕雞蛋仔！雪糕雞蛋仔香蕉雞蛋仔加雲呢拿雪糕, 香蕉蓉經過微微加熱包裏在雞蛋仔中, 香蕉味更見突出。雞蛋仔外脆內軟, 散發淡淡雞蛋清香, 伴上雲呢拿雪糕嚟食, 一冷一熱、一脆一軟, 完美融合, 毫無違和感！鮮榨檸檬汁新鮮檸檬, 天然果味, 酸度偏重帶微甜, 幫助消滯減膩, 冰涼解渴, 清新怡人！

今日行完山剪完頭髮，鬼死咁肚餓，咁啱見到間媽咪雞蛋仔，唸起個朋友仔極力推薦！於是買左黃金（鹹蛋黃）雞蛋仔，承惠$35。係條又窄又無冷氣的行人路上等了10分鐘，終於有，急不及待試食，第一個感覺...唔夠熱！第二，無蛋味！只有甜味！第三，鹹蛋黃太淡！收得咁既價，好心足料啲！第四，煮過頭，無左經典雞蛋仔的外脆內軟！第五，食材味道各有各，雞蛋仔有雞蛋仔味！鹹蛋黃有鹹蛋黃味！食材並沒有好好融合係一齊！第五，CP值低，旁邊鋪頭先$10底，如果有得試食，一定唔會幫襯媽咪雞蛋仔！總結，可一不可再！！！！！！

媽咪雞蛋仔超級有特色嘅香港小食媽咪雞蛋仔今日去咗灣仔電腦城,正想去搭車時,見到媽咪雞蛋仔就勾起個童年回憶,所以我就要來買雞蛋仔食啦!而家雞蛋仔原來出左好多味,好多唔同變化...真係勁！我忍唔住手就買左牛油果🥑朱古力🍫雞蛋仔同香橙🍊朱古力🍫雞蛋仔!即叫即整!同埋真係好足料!牛油果🥑朱古力🍫雞蛋仔$35睇住佢放左好多朱古力同牛油果!所以食落口感特別香濃!好似食更牛油果咁...超好食香橙🍊朱古力🍫好清香,$32同埋有潤喉既感覺!再加埋特製檸檬🍋汁各$20超健康!食完成個人醒曬