阿爺燒鵝餐室 (Closed)

今晚屋企開飯斬料加餸，平時都莫過於叉燒油雞，不過今日想特別啲食燒鵝，就上openrice揾最近嘅燒鵝專門店，結果就揀中阿爺，以後港島人想食靚燒鵝唔洗走到深井喇！阿爺店面紅噹噹，而且位置好易揾。既然用得燒鵝做生招牌，就決定外賣燒鵝下庄 + $40燒腩仔。燒鵝下庄🔅煙薰味好香！份量好足料，甚至比想象中多😂 一咬落去皮脆肉嫩，鵝油即刻標哂出黎，好惹味。而且燒鵝嘅調味恰到好處，唔會太濃味。燒腩仔🔅返到屋企用煎pan輕輕爆一爆，呢份燒腩仔真係無得輸，我個人喜歡食7分瘦3分肥，完全岩哂我心水，而且個皮仲係好脆！好食又抵食！