樓上大排檔

Open Now

Now Closed

今次👦🏻👧🏻去咗裝修充滿香港特色嘅中菜餐廳 - 樓上大排檔！當初揀食呢間餐廳係因為食物創新有啲Fusion，裝修又以各餐廳招牌/機舖為主。飯後再問店完，原來同位於旺角嘅女人街食飯公司為姊妹餐廳！🌟金沙脆魚皮呢個金沙脆魚皮真係勁足料同大份，將鹹蛋醬係炸魚皮表面呈流沙狀態，咬落去鹹蛋味濃之餘，仲極為香口同脆。🌟越式咖喱牛腩煲配法包餐廳將越式咖喱牛腩燉到軟爛入味，唔會好硬身，食落每一口都有濃郁既咖喱香，而牛腩配法包簡直一流享受。🌟黑松露滑蛋蝦球黑松露滑蛋蝦球嘅黑松露份量不少，所以嫩滑富蛋香嘅炒蛋中亦混入不少黑松露香氣，至於蝦球亦非常爽口彈牙。整體上配上香蔥，撈飯一流！🌟瑤柱鮑魚粒炒飯同樣係十分足料嘅炒飯，瑤柱絲絲分明，為炒飯帶嚟咸香味道。鮑魚切粒後仍然係大大粒有咬口，炒飯乾爽唔油膩。🌟懷舊蝦多士一份三件嘅蝦多士用薄白麵包配上大蝦，麵包炸得鬆脆，如果有其他醬汁點嚟食就好啦🤪。