新嚐泰泰國餐廳

Open Now

Now Closed

喺港島唔使一定去九龍城食先食到正宗泰國菜，灣仔呢間泰國菜都係唔錯嘅選擇，餐廳全部由泰國人主理，又性價比高！✨小食拼盤 $138呢個拼盤有魚餅、蝦餅、春卷、肉丸生菜包，性價比高！魚餅幾特別，有冬蔭功味，裏面有豆粒更添口感。肉丸脆口偏辣好惹味，配埋生菜食幾fresh。✨紅咖喱海鮮跟薄餅 $108咖喱海鮮有大蝦、青口、蜆，紅咖喱本身唔辣啱晒我，薄餅微微煎過，外表少少脆內裡好鬆軟，點咖喱食係絕配！✨冬陰功湯爐蒸脆炸烏頭魚 $188烏頭魚炸至金黃酥脆，再置於明爐上以保持溫度。配有檸檬葉、香茅辣姜、魚露同辣椒膏秘製而成嘅冬陰湯，湯底酸辣帶椰香，味道不錯。