Video
Read full review
2009-11-11
118 views
話哂自己係九龍仔, 近近地都有大把好正嘅傳統潮州菜. 九龍城南記順記, 新蒲岡暌記, 旺角新泉發, 廟街興記, 大圍生昌, 等等.. 間間打冷有水準, 又平又正.. 所以o係香港區食得唔多.. 亦都冇乜印象.我位"大舊"同事又係揾食之人, 剛剛去完發記係咁叫好... 咁啱大家放工冇野做, 就今次四條冷一齊去發記.是夜, 人客不算多, 六成滿, 門口玻璃窗掛哂d打冷美食.. 已經叫人垂涎三尺...一坐低, 已經唔洗諗.. 叫哂d傳統潮州鋪一定會叫嘅好野.. 試下菜先~1) 煎蠔餅2) 方魚肉碎粥3) 咸肉炒韮菜花4) 凍烏頭5) 鹵水鵝肉, 再叫多過大腸拼鵝腸6) 干炒沙爹牛河先黎凍烏頭... 八十大洋既鮮味又好肉, 好抵食. 當然, 就係黎鹵水野啦... 友人提議, 棄鵝片而選鵝肉. 果然肉質好, 鹵水味濃, 不錯. 大腸還可以, 不過本人喜歡大大舊嘅多d. 而鵝腸冇乜味, 像"白烚"一樣 可惜. 再黎方魚肉碎粥, 雖然個個都想食蠔仔肉碎粥, 不過有蠔餅, 不如試下方魚啦. 潮式泡飯湯底好緊要, 第一啖淨湯已經讚, 再加上肉碎份量同飯剛剛好, 假若方魚味再重d, 就更好喇. 韮菜跟
我位"大舊"同事又係揾食之人, 剛剛去完發記係咁叫好... 咁啱大家放工冇野做, 就今次四條冷一齊去發記.
是夜, 人客不算多, 六成滿, 門口玻璃窗掛哂d打冷美食.. 已經叫人垂涎三尺...
一坐低, 已經唔洗諗.. 叫哂d傳統潮州鋪一定會叫嘅好野.. 試下菜先~
1) 煎蠔餅
2) 方魚肉碎粥
3) 咸肉炒韮菜花
4) 凍烏頭
5) 鹵水鵝肉, 再叫多過大腸拼鵝腸
6) 干炒沙爹牛河
先黎凍烏頭... 八十大洋既鮮味又好肉, 好抵食.
當然, 就係黎鹵水野啦... 友人提議, 棄鵝片而選鵝肉. 果然肉質好, 鹵水味濃, 不錯. 大腸還可以, 不過本人喜歡大大舊嘅多d. 而鵝腸冇乜味, 像"白烚"一樣 可惜.
再黎方魚肉碎粥, 雖然個個都想食蠔仔肉碎粥, 不過有蠔餅, 不如試下方魚啦. 潮式泡飯湯底好緊要, 第一啖淨湯已經讚, 再加上肉碎份量同飯剛剛好, 假若方魚味再重d, 就更好喇.
韮菜跟住上, 之前伙計問, 蒜蓉定咸肉炒呀.. 我同友人一齊講, 梗係試咸肉啦! 真好. 炒菜放上桌上, 個樣又翠綠又幼.. 一睇就知唔差得去邊. 果然, 非常幼嫩兼爽口, 配咸肉著是不錯.
蠔餅黎埋, 唔係一個大碟成個pizza咁, 而係摺埋兩層. 食落非常脆口. 唯獨是蠔仔不夠多, 變相食得多左粉 . 暌記始終高一班!!
食得起勁, 眼見炒野有水準. 就算見到佢地個個開始捧住個肚, 都想叫個炒河過癮下! 呢個亦都抵讚, 好香沙爹味, 唔油, 有青椒一齊炒. 如果再多d牛肉同加d菠蘿落去就完美喇~
飽~ 真的很飽, 不過.. 照樣去左隔離間明記食甜品... 真係飽到上心口
如果咁啱o係港島打滾, 又想食潮州野, 我會介紹朋友黎呢間~
p.s. 真係好抵食, 飲埋啤酒都係每人一舊水, 抵食到咁, 想點!? 哈哈..
Post