吔咩嗲 吔嘢事無所

Open Now

Now Closed

一汁多菜定食（$88），可選一熱兩冷菜 / 兩熱一冷菜，最後要咗兩客兩熱一冷菜。一汁：野菌田園奶油湯，味道不錯，有層次，有奶香、菇香、胡椒香，但洋蔥味無乜。熱菜：秘製Masala雞，Masala醬微辣惹味，雞扒肉嫩。熱菜：海老明太子伴西蘭花，有四五隻蝦仁，爽口，明太子唔多所以味道唔出。熱菜：即製惹味大阪燒，大量蔬菜，但煎得唔夠香口。熱菜：鹿兒島吉列黑豚肉餅，炸得幾好，外脆裡面仲有少少肉汁。冷菜：南瓜沙律配蘋果青瓜堅果，幾特別，口感清新。冷菜：自家製溫泉蛋配花椒鰹魚汁，專登揀嚟撈飯用。白飯，兩碗都食到少少硬嘅飯，疑似乾身咗嘅飯焦。整體嚟講，可以一試。食物款式選擇都多，食落有香港住家菜嘅味道。PS：自己 scan QR code 落單。沒有加一服務費。