超哥印尼手打麵 (Closed)

今晚屋企無飯食，於是就唯有出街搵吓，睇吓有咩好嘢食。行咗陣都諗唔到食乜好，見到有間印尼手打麵，心諗未食過手打麵，試吓都好，於是就入咗去。入到去見到餐牌，佢應該主打係食麵，因為除咗麵之外都無咩選擇。但見到隔離枱碗麵好細碗，自己本身又大食，再加上睇到餐牌碗麵都成差唔多40蚊，覺得唔係好抵，所以就無叫。跟手見到餐牌有個印尼叉雞飯，都想知印尼的燒味飯係點，所以就見咗呢個，另外見到有黑咖啡，自己又鍾意飲，所以就叫埋。碟飯上到枱之後，望落去個賣相同普通燒味飯無咩分別，咁可能係啲味會唔同，都無理咁多就食。食落去覺得同餐記燒味飯無唔同，但係收50幾蚊，覺得有啲貴。到杯黑咖啡，同普通茶記咖啡一模一樣，完全唔黑，飲唔出點黑法，不過係睇都睇唔出。